2025 جىلعى 5–6 جەلتوقساندا الماتى تەحنولوگياعا قۇشتار جاستاردىڭ باسىن ءبىر جەرگە توعىستىرعان يننوۆاسيا ورداسىنا اينالدى. شاھارداعى "اتاكەنت" كورمە ورتالىعىندا IT FEST-2025 فەستيۆالى ءوتتى، - دەپ حابارلايدى اqshamnews.kz ءتىلشىسى. ءىس-شارانىڭ باس سەرىكتەسى بولعان تيمۋر قۇلىبايەۆتىڭ HALYK قايىرىمدىلىق قورى وسى باستاماعا سەرپىن بەرىپ، ونىڭ اۋقىمىن كەڭەيتۋگە جانە جاستاردىڭ IT-جوبالارىن جۇيەلى قولداۋعا جول اشتى.
فەستيۆال اۋقىمى قانداي؟
ءىT FEST 2025 حاكاتوندار، روبوتوتەحنيكا، كيبەرسپورت، ديزاين، انيماسيا، ستارتاپ-جوبالار سياقتى ءتۇرلى باعىتتاردى بىرىكتىردى. جىل سايىن قازاقستاننىڭ تۇكپىر-تۇكپىرىنەن، سونداي-اق، ءباا، كورەيا رەسپۋبليكاسى، ۆەتنام، رەسەي جانە وزبەكستاننان كەلگەن 3000-نان اسا قاتىسۋشى مەن 1000-عا جۋىق كورەرمەن "يدەيالار الاڭىنا" جينالدى.
فەستيۆالگە عىلىم جانە جوعارى ءبىلىم ءمينيسترى ساياسات نۇربەك، جي جانە سيفرلىق دامۋ ۆيسە-مينيسترى دميتريي مۋن، سونداي-اق جەتەكشى ۋنيۆەرسيتەتتەردىڭ رەكتورلارى قاتىستى. ولار جاستاردى باتىل بولۋعا، جاڭا بەلەستەردەن قورىقپاۋعا جانە قازاقستاننىڭ سيفرلىق بولاشاعى تۋرالى ءسوز قوزعادى.
"قازاقستاننىڭ جاڭا سيفرلىق داۋىرگە قانداي قارقىنمەن قادام باساتىنىن سىزدەر ايقىندايسىزدار. مۇنداي ءىس-شارالار – دارىندى، بەلسەندى جانە امبيسياسى مىقتى قازاقستاندىق جاستاردى بىرىكتىرگەن ماڭىزدى الاڭ. سوندىقتان قاتەلەسۋدەن قورىقپاڭىزدار. ىزدەنىڭىزدەر، سىناڭىزدار، تاجىريبە جاساڭىزدار. ەگەر قاتەلەسسەڭىزدەر - قايتا باستاڭىزدار. ەڭ مىقتى يدەيالار ءدال سولاي تۋادى. الەمدى وزگەرتە الاتىن كومپانيالار دا وسىلاي پايدا بولادى"، – دەدى ساياسات نۇربەك.
ۋنيۆەرسيتەتتەر اليانسى جانە AI-Sana
IT FEST 2025 University Alliance of Science and Technology اليانسىنىڭ، سونداي-اق ۇلتتىق AI-Sana باعدارلاماسىنىڭ اياسىندا ءوتتى. KBTU ماشينا وقىتۋ، نەيرونجەلىلەر جانە گەيمديەۆ جوبالارىن تانىستىرسا، AITU HandInHand، Genoplexity.AI، Cortex AI، Torsyq.kz سياقتى شەشىمدەرىن كورسەتتى. UIB ۆەبتۋن، ديزاين جانە انيماسيا باعىتىندا بايقاۋلار ۇيىمداستىردى، ال IITU جاساندى ينتەللەكت پەن كوگنيتيۆ تەحنولوگيالار سالاسىنداعى زەرتتەۋلەرىن ۇسىندى.
HALYK قورىنىڭ قولداۋى نەگە ماڭىزدى؟
ءىس-شارانىڭ باس سەرىكتەسى بولعان HALYK قايىرىمدىلىق قورى بۇل قولداۋدى جاي دەمەۋشىلىك ەمەس، قازاقستاننىڭ تەحنولوگيالىق بولاشاعىنا، ەلدىڭ جاڭا بۋىن IT-كوشباسشىلارىنا سالىنعان ماڭىزدى ينۆەستيسيا رەتىندە باعالادى.
"تيمۋر قۇلىبايەۆتىڭ HALYK قورى IT FEST-2025 فەستيۆالىنىڭ باس سەرىكتەسى بولا وتىرىپ، سيفرلىق تەحنولوگيالاردى دامىتۋعا جانە جاس IT-مامانداردى قولداۋعا دەگەن ۇستانىمىمىزدى تاعى ءبىر مارتە ايقىنداپ وتىر. ءبىز ءۇشىن مۇنداي باستامالارعا اتسالىسۋ – ەلدىڭ ەرتەڭىنە جاسالعان سانالى ءارى ستراتەگيالىق قادام. ويتكەنى ءدال وسىنداي جوبالار جاڭا بۋىن كاسىبي ماماندارىن تاربيەلەپ، قازاقستاندى تەحنولوگيالىق كوشباسشى رەتىندە نىعايتادى"، - دەدى تيمۋر قۇلىبايەۆتىڭ HALYK قايىرىمدىلىق قورىنىڭ باسقارۋشى ديرەكتورى ناريمان ءابىلشايىقوۆ.
جۇلدە قورى مەن جاستارعا بەرىلگەن مۇمكىندىكتەر
ايتا كەتەيىك، بيىل 14-رەت وتكەن فەستيۆال جاستاردىڭ سيفرلىق داعدىلارىن شىڭداپ، زاماناۋي تەحنولوگيالارعا دەگەن قىزىعۋشىلىعىن ارتتىرعان، ناعىز قۋاتتى پلاتفورماعا اينالدى. بيىلعى جالپى جۇلدە قورى شامامەن 10 ملن تەڭگە بولدى. مەكتەپ وقۋشىلارى مەن ستۋدەنتتەرگە ارنالعان ترەكتەردىڭ جەڭىمپازدارى اليانس ۋنيۆەرسيتەتتەرىندە ءبىلىم الۋعا 50%-دان 100%-عا دەيىنگى گرانتتار مەن جەڭىلدىكتەرگە يە بولدى. ال "قازاقتەلەكوم" كومپانياسىنىڭ 1،5 ملن تەڭگە كولەمىندەگى ارنايى جۇلدەسى تەحنيكالىق تاپسىرمانى ۇزدىك ورىنداعان كومانداعا تابىستالدى.
مىڭنان تۇلپار، جۇزدەن جۇيرىك جاستار
فەستيۆال قورىتىندىسى بويىنشا. بىرنەشە نەگىزگى سەكسيادا ونداعان جۇلدەگەر انىقتالدى.
HACKATHON (Digital University جانە Digital School) سەكسياسى بويىنشا ۇزدىك شىققان No Failures، No Success، Bad Action، تەرميناتور، Qore كوماندالارى ءبىلىم گرانتتارى مەن اقشالاي جۇلدەلەرگە يە بولدى.
Startup Battle سايىسىندا ستۋدەنتتەر اراسىندا EdMind، Genoplexity، QuttyBand جوبالارى وزىپ شىقسا، مەكتەپ وقۋشىلارى اراسىندا Memory Care، MedScribe، QazSign الەۋمەتتىك اسەرى جوعارى ستارتاپتارىمەن ەرەكشەلەندى. كورەرمەن كوزايىمى جۇلدەسى CortexAI كومانداسىنا بۇيىردى.
"كينو جانە ۆيدەو" باعىتىندا ستۋدەنتتەر مەن وقۋشىلار تۇسىرگەن قىسقامەترلى فيلمدەر وتباسى مەن قوعامداعى زورلىق-زومبىلىق، پسيحولوگيالىق كۇي، الەۋمەتتىك سەزىمتال تاقىرىپتاردى كوتەردى. 23.05، Manas34، Skypro، سونداي-اق TWL، Talkhizmedia، Cine Trio كوماندالارى شىعارماشىلىق كوزقاراسى مەن تەحنيكالىق دەڭگەيى ءۇشىن ماراپاتتالدى.
"ديزاين جانە انيماسيا" سەكسياسىندا Z-TEAM، OVERLOAD جانە جاس يلليۋستراتور كاميلا رامازانوۆانىڭ جۇمىستارى زاماناۋي ستيل، storytelling جانە ۆيزۋال مادەنيەتپەن ۇيلەسىمى ءۇشىن جوعارى باعالاندى.
روبوتوتەحنيكادا گپت، Abay Digital، L33 Tech Force كوماندالارى ەرەكشە ويلاۋ، پروتوتيپتەر مەن شەشىمدەرى ارقىلى العا شىقتى. قوسىمشا نوميناسيالاردا "تىندەكس" (Best Engineering Solution)، "Miras" (Best Web-interface)، "TK Robotics" (Best Presentation) سەكىلدى كوماندالار دارالاندى.
ITFEST CP CUP الگوريتمدىك وليمپياداسىندا ستۋدەنتتەر مەن مەكتەپ وقۋشىلارى اراسىنداعى ۇزدىك ناتيجەلەردى مانسۇر ماماداحۋنوۆ، ارسەن مۋجيكوۆ، نۇرلىبەك ەسبولعانوۆ، يساتاي يسماعزي، الديار سەيتباي كورسەتتى.
Cybersecurity CTF جارىسىندا ۆەتنامنان كەلگەن Univer Sea كومانداسى، سونداي-اق mimi cats (قازۇۋ) جانە پەلمەني (Astana IT University) كوماندالارى ينفورمقاۋىپسىزدىك سالاسىنداعى مىقتى دايىندىقتارىن دالەلدەدى.
كيبەرسپورت ءتۋرنيرى CS، Dota جانە FIFA ديسيپلينالارى بويىنشا 1،5 ملن تەڭگەلىك جۇلدە قورىمەن ەلىمىزدەگى كيبەرسپورت قاۋىمداستىعىن بىرىكتىردى.
روبوتوتەحنيكا سەكسياسىندا 1-ورىن يەلەنگەن "گپت" كومانداسىنىڭ مۇشەسى ءالنۇر سەمبايەۆ IT FEST 2025ء-تى كاسىبي دامۋىنا جاڭا سەرپىن بەرگەن الاڭ رەتىندە باعالادى.
"IT FEST كوپ مۇمكىندىك بەردى. روبوتىمىزدى جاساۋ ءۇشىن بىرنەشە اي بويى ەڭبەك ەتتىك. ۇيىمداستىرۋشىلارعا زور العىس. تەك كود جازىپ، تەمىر قۇراستىرعان جوقپىز، كوماندا بولىپ شەشىم قابىلداۋدى، جوبامىزدى دۇرىس تانىستىرۋدى دا ۇيرەندىك. مۇنداي فەستيۆالدەر كوبەيگەن سايىن، قازاقستاندا مىقتى جاس ينجەنەرلەر بۋىنى قالىپتاساتىنىنا سەنەمىن. ەڭبەك اقتالدى"، – دەدى ول.
سونداي-اق، ۆەتنامنان كەلگەن Univer Sea توبىنىڭ مۇشەسى دە جارىس ۇيىمداستىرۋشىلارىنا العىس ايتتى.
IT FEST 2025 اياسىندا باعدارلامالاۋ، روبوتوتەحنيكا، مەدياوندىرىس، ديزاين، كيبەرقاۋىپسىزدىك جانە كيبەرسپورت سالالارىندا جۇزدەگەن قاتىسۋشى ءوز دارىنىن كورسەتىپ، قولداۋ تاپتى.
سۋرەتتەر: Halyk قايىرىمدىلىق قورىنىڭ باسپاسوزىنەن