الماتىدا بيىل قانشا جۇپ وتاۋ قۇرىپ، زاڭدى نەكەگە تۇردى؟ قانشا بالا دۇنيە ەسىگىن اشتى؟ اqshamnews.kz ءتىلشىسى بۇل سۇراقتاردىڭ جاۋابىن ءبىلۋ ءۇشىن "ازاماتتارعا ارنالعان ۇكىمەتتىڭ" احات بولىمىنە رەسمي ساۋال جولدادى.
ۆەدومستۆو مالىمەتىنشە، 2025 جىلعى قاڭتار-جەلتوقسان ارالىعىندا الماتىدا 17097 نەكە تىركەلگەن. جىل اياعىنا دەيىن ءالى ۋاقىت بار، سوندىقتان بۇل - ارالىق دەرەك.
كەيىنگى ءۇش جىلداعى ستاتيستيكا قانداي؟
- 2022 جىلى - 18540 نەكە؛
- 2023 جىلى - 18403 نەكە؛
- 2024 جىلى - 20187 نەكە تىركەلگەن.
2022-2023 جىلدارى كورسەتكىش ءسال تومەندەگەن، ال 2024 جىلى قايتا ءوسىپ، 20 مىڭنان اسقان.
قانشا بالا دۇنيەگە كەلدى؟
2025 جىلى 2 جەلتوقسانعا دەيىن 37606 بالا دۇنيە ەسىگىن اشقان.
احات رەسمي جاۋابىندا كەيىنگى ءۇش جىل بويىنشا تۋعان بالالار سانى دا كورسەتىلگەن:
- 2022 جىلى - 45114 بالا؛
- 2023 جىلى - 44274 بالا؛
- 2024 جىلى - 42522 بالا تىركەلگەن.
وسى ساندارعا قاراعاندا، الماتىدا تۋۋ كورسەتكىشى جىل سايىن بىرتىندەپ تومەندەپ كەلەدى:
- 2022 مەن 2023 جىلدار ارالىعىندا شامامەن 840 بالاعا ازايعان؛
- 2023 پەن 2024 جىلدار ارالىعىندا تاعى 1750 شاماسىندا كەمىگەن.