امەريكالىق كاسىپكەر يلون ماسك اقش-تىڭ ەكس-پرەزيدەنتى دونالد ترامپتىڭ كەڭەسشىسى بولعان ەكى اي ىشىندە 148 ميلليارد دوللارىنان ايىرىلدى، دەپ حابارلايدى Bild باسىلىمى.
سوعان قاراماستان، ماسك ءالى دە الەمدەگى ەڭ باي ادام سانالادى. ونىڭ قازىرگى بايلىعى — 321 ميلليارد دوللار، ءبىراق بۇل كورسەتكىش تەز ازايىپ كەلەدى.
بۇعان نەگىزگى سەبەپ رەتىندە ترامپتىڭ يناۋگۋراسياسىنان كەيىن Tesla كومپانياسىنىڭ اكسيالارىنىڭ 40%-دان استام قۇلدىراۋى اتالىپ وتىر. باسىلىم مالىمەتىنشە، ماسك ءوزىن بيۋروكراتيامەن كۇرەسۋشى رەتىندە كورسەتۋگە تىرىسقانىمەن، بۇل ارەكەتى وزىنە جانە كومپانياسىنا زيان كەلتىردى.
ايتا كەتەيىك، 2025 جىلدىڭ اقپان ايىندا Tesla نەبارى 43 650 كولىك ساتقان. بۇل وتكەن جىلمەن سالىستىرعاندا 6%-عا تومەن كورسەتكىش. ال ەۋروپادا كومپانيانىڭ ساتىلىمى ءتىپتى 75%-عا قىسقارعان.
سونىمەن قاتار، سوڭعى ۋاقىتتا اگرەسسيۆتى بەلسەندىلەر Tesla كولىكتەرىن ورتەپ، ءتۇرلى نارازىلىق اكسيالارىن ۇيىمداستىرىپ ءجۇر.