«قىزىل» مارتەبەدەگى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەدى.
الماتىدا ءۇي كارانتينىن بۇزعان «قىزىل» مارتەبەدەگى 262 ادامعا ايىپپۇل سالىندى، دەپ حابارلايدى Almaty-akshamy.kz الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنە سىلتەمە جاساپ.
«Ashyq ارقىلى 14 كۇندىك ءۇي كارانتينىن بۇزعان 262 الماتىلىق اكىمشىلىك جاۋاپقا تارتىلدى جانە ايىپپۇل تولەدى (30 اەك)، ونىڭ ىشىندە بىرنەشە تۇرعىن ەكى رەت تولەدى»، - دەپ حابارلادى سانيتارلىق-ەپيدەميولوگيالىق باقىلاۋ دەپارتامەنتىنەن.
«قىزىل» مارتەبەدەگى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەدى. قۇقىق بۇزۋشىلاردىڭ تولىق ءتىزىمىن دەپارتامەنت سايتىندا جاريالاندى. سانيتاريالىق-ەپيدەميولوگيالىق باقىلاۋ دەپارتامەنتى امبۋلاتوريالىق ەم الىپ جاتقان ازاماتتاردى ءوزىن-وزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىكتى ۇمىتپاۋعا شاقىرادى. جۇقتىرعاندارمەن بايلانىستا بولعان ادامدار دا ءوزىن-وزى وقشاۋلاۋ رەجيمىن ساقتاۋى جانە باسقا ادامداردىڭ جۇقتىرۋىن بولدىرماۋ ءۇشىن ادامدار جاپپاي جينالاتىن ورىندارعا بارۋدان باس تارتۋى ءتيىس.