الماتى اكىمى ەربولات دوسايەۆتىڭ حالىقارالىق قارجى كورپوراسياسىنىڭ (IFC) وكىلدەرىمەن كەزدەسۋى بارىسىندا الماتىدا ەكولوگيانى جاقسارتۋعا جانە قالدىقتاردى باسقارۋ تيىمدىلىگىن ارتتىرۋعا باعىتتالعان ءارى قالدىقتارمەن جۇمىس ىستەۋ جۇيەسىن رەفورمالاۋ بويىنشا زەرتتەۋدىڭ ارالىق قورىتىندىلارى ۇسىنىلدى.
جاڭا باستامالار ءۇزدىك حالىقارالىق تاجىريبەلەر مەن تەحنولوگيالاردى ەسكەرە وتىرىپ، قالدىقتاردى جيناۋ، قايتا وڭدەۋ جانە كادەگە جاراتۋ ءۇشىن تۇراقتى ينفراقۇرىلىم قۇرۋعا ىقپال ەتەتىن بولادى. IFC نەگىزگى ۇسىنىستارىنا قالدىقتاردى جيناۋ جۇيەسىن قايتا قۇرىلىمداۋ جانە كەڭەيتۋ، قوقىستاردى بولەك جيناۋدى ەنگىزۋ، قالدىقتاردى شىعارۋ جۇيەسىن وڭتايلاندىرۋ، ينفراقۇرىلىمعا ينۆەستيسيالار تارتۋ، قايتا وڭدەۋ قۋاتتارىن جاڭعىرتۋ، مەحانيكالىق جانە بيولوگيالىق وڭدەۋ، كومپوست قوندىرعىلارىن دامىتۋ، زاماناۋي سانيتارلىق پوليگون سالۋ جانە ت. ب.
زەرتتەۋ 2023 جىلعى 4 قازاندا الماتى اكىمدىگى مەن IFC اراسىندا جاسالعان مەموراندۋم اياسىندا Seureca فرانسۋز كومپانياسىنىڭ IFC (175 مىڭ اقش دوللارى) گرانتتىق قارجى ەسەبىنەن جۇرگىزىلەدى. بۇل شارالار الماتىعا ەكولوگيالىق تۇراقتىلىقتىڭ جوعارى ستاندارتتارىنا قول جەتكىزۋگە، قورشاعان ورتاعا تەرىس اسەردى ازايتۋعا جانە قالا تۇرعىندارىنىڭ ءومىر ءسۇرۋ ساپاسىن جاقسارتۋعا كومەكتەسەدى.
انىقتاما:
حالىقارالىق قارجى كورپوراسياسى (IFC) — بۇكىل الەم بويىنشا ەكونوميكالىق ءوسۋ مەن ءومىر ءسۇرۋ ساپاسىن جاقسارتۋعا ىقپال ەتەتىن جەكە سەكتوردى قارجىلاندىرۋعا جانە تۇراقتى دامۋعا ماماندانعان دۇنيەجۇزىلىك بانك توبىنىڭ مۇشەسى.