الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ ارداگەرلەرى حالىقارالىق قارتتار كۇنىندە ەرەكشە ءىلتيپاتقا يە بولدى، دەپ حابارلايدى aqshamnews.kz Polisia.kz-كە سىلتەمە جاساپ.
قىلمىستىق-اتقارۋ سالاسىنىڭ قيىن دا كۇردەلى قىزمەتىندە تاجىريبە جيناقتاپ، شىڭدالعان بۇگىنگى ارداگەرلەردىڭ جاس ماماندارعا بەرەر ءتالىمى مەن تاربيەسى باعا جەتپەس باعدار ەكەنى داۋسىز.
وسى ورايدا اعا بۋىن وكىلدەرى وزدەرىنىڭ قىزمەتتىك جولدارىنداعى جەتىستىكتەرىمەن ءبولىسىپ، دەپارتامەنتتىڭ جەكە قۇرامىنا ادال دا ابىرويلى قىزمەت اتقارۋدى وسيەتتەدى. قارتتار كۇنىنە ارنالعان سالتاناتتى جيىندا ارداگەرلەر كەڭەسىنىڭ ءتوراعاسى ە.ساعالبايەۆ قۇتتىقتاۋ ءسوز سويلەپ، 50 ارداگەرگە سىي-سياپات تابىستادى. مەرەيلى مەرەكە ارداگەرلەرگە كوتەرىڭكى كوڭىل-كۇي سىيلاپ، كوپتەن كورىسپەگەن قارتتار مەرەكەلىك داستارحاندا باس قوسىپ، اڭگىمە-دۇكەن قۇردى.