اەس قۇرىلىسى جونىندەگى حالىق شتابىنىڭ مۇشەلەرى سەنات ءتوراعاسى ماۋلەن اشىمبايەۆتىڭ باسشىلىعىمەن جەتىسۋ وبلىسىنىڭ ەڭبەك ۇجىمدارىمەن كەزدەستى، دەپ حابارلايدى aqshamnews.kz
سەنات ءتوراعاسى ماۋلەن اشىمبايەۆتىڭ ايتۋىنشا، كليماتتىڭ وزگەرۋى جاعدايىندا ەكولوگيالىق زياندى ازايتۋدىڭ ءتيىمدى شەشىمدەرىن ىزدەۋدىڭ قاجەتتىلىگى انىق بولىپ وتىر، الايدا بۇل ەنەرگەتيكاعا زيان كەلتىرمەي جۇزەگە اسۋى ءتيىس.
"ءدال وسى اتوم ەلەكتر ستانسيالارى كومىرقىشقىل گازىنىڭ شىعارىندىلارىن ازايتۋدىڭ جانە كومىرگە تاۋەلدىلىكتى تومەندەتۋدىڭ ەڭ پەرسپەكتيۆالى تاسىلدەرىنىڭ ءبىرى بولىپ تابىلادى. ماسەلەن، كومىر ستانسيالارىنان ايىرماشىلىعى، اەس قورشاعان ورتانى ءتۇتىندى گازدارمەن، كۇلمەن نەمەسە مۇناي ونىمدەرى بار اعىندى سۋلارمەن لاستامايدى"، – دەدى سەنات سپيكەرى.