قارىز 11،5 جىلعا بەرىلەدى.
سەنات دەپۋتاتتارى "حالىقارالىق قايتا قۇرۋ جانە دامۋ بانكىنەن قارىز الۋ تۋرالى" زاڭدى قابىلدادى، دەپ حابارلايدى Almaty-akshamy.kz
قۇجات پرەزيدەنتتىڭ قول قويۋىنا جىبەرىلدى. قارىزدىڭ جالپى سوماسى - 345 ملن 700 مىڭ ەۋرو. مولشەرلەمەسى - 2،5 پايىز. قارىز 11،5 جىلعا بەرىلەدى. بارلىق اقشا بيۋدجەت تاپشىلىعىن جابۋعا جۇمسالادى. سونىڭ ىشىندە دەنساۋلىق، ءبىلىم، الەۋمەتتىك سالا جانە قاۋىپسىزدىك شارالارى بار.
قارجى ءمينيسترى ەرۇلان جاماۋبايەۆتىڭ ايتۋىنشا، قارىز ۇلكەن جەڭىلدىكپەن الىنىپ وتىر.
«مىسالى، ءقازىر وسىنداي قارىزدى ەۋرووبليگاسيا نەمەسە باسقا قۇرالدار ارقىلى تارتاتىن بولساق، مولشەرلەمەسى 5 پروسەنتتەن جوعارى بولاتىن ەدى. بىزە 2،5 پروسەنتتىڭ شاماسىندا بەرىپ وتىر. نەگىزى، بىزدە قارىزدىڭ 90 پايىزى ىشكى نارىقتان الىنادى. دەگەنمەن، ءقازىر بازالىق ستاۆكا كوتەرىلدى. سوندىقتان اۋىرتپالىعى جوعارى قارىزدى الۋدى قاجەتى جوق دەپ شەشتىك»، - دەدى جاماۋبايەۆ.
ونىڭ سوزىنە قاراعاندا، ۇكىمەتتىڭ قارىزدارى ءقاۋىپسىز دەڭگەيدە جانە ىشكى جالپى ءونىمنىڭ 23 پايىزىنان اسپايدى.