بۇل - ق ر عىلىم جانە جوعارى ءبىلىم ءمينيسترى ساياسات نۇربەكتىڭ ءسوزى.
سوڭعى ءۇش جىلدا ەلىمىزدە 1،5 ميلليونعا جۋىق بالا ومىرگە كەلگەن، دەپ حابارلايدى Almaty-akshamy.kz
«بۇگىنگى تاڭدا قازاقستان، ورتالىق ازيا ۇلكەن دەموگرافيالىق وزگەرىستەردىڭ الدىندا تۇر. الەم حالقىنىڭ سانى 8 ملرد ادامعا جەتتى. سوڭعى 12 جىلدا 7 ملرد-تان 8 ملرد-قا جەتىپ وتىرمىز. بۇل دۇنيەجۇزى حالقىنىڭ سانى قارقىندى ءوسىپ جاتقانىن كورسەتەدى»، - دەدى ساياسات نۇربەك.
ءمينيستردىڭ ايتۋىنشا، بۇل ءۇردىس ەلىمىزدە دە بايقالعان.
«سوڭعى 3 جىلدا ەلىمىزدە 1،5 ميلليونعا جۋىق ءسابي دۇنيەگە كەلدى. بولجام بويىنشا وسى جىلدىڭ قورىتىندىسى بويىنشا 500 مىڭ بالا ومىرگە كەلەدى دەپ كۇتىلۋدە. 2021 جىلى 456 مىڭ بالا، 2020 جىلى 426 مىڭ بالا دۇنيەگە كەلگەن. بۇل ءۇش جىل قاتارىنان تىركەلگەن دەموگرافيالىق رەكورد بولىپ وتىر. سوڭعى رەت مۇنداي كورسەتكىش 1987 جىلى تىركەلگەن. ول ۋاقىتتا 417 مىڭ ءسابي ومىرگە كەلگەن بولاتىن»، - دەدى ول.