عىلىمعا بەت بۇرعان ايەلدەر سانى ارتىپ كەلەدى

ءقازىر وقۋ ىسىندە عانا ەمەس، باسشىلىق قۇرامدا دا بوي كورسەتىپ جۇرگەن بۇرىمدىلار كوپ.

بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى. ونىڭ ايتۋىنشا، بۇل ەلدەگى گەندەرلىك ساياساتتىڭ ءساتتى جۇزەگە اسىپ جاتقانىن كورسەتەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

ءدال وسى ماسەلە ەلوردادا ءوتىپ جاتقان حالىقارالىق عىلىمي-كونفەرەنسيادا دا جان-جاقتى تالقىلانىپ جاتىر. جيىنعا چەحيا، شۆەيساريا، ءۇندىستان جانە اقش عالىمدارى مەن ساراپشىلارى كەلدى. ولار ەلدەگى ايەلدەر تەڭدىگى ءۇشىن اتقارىلىپ جاتقان جۇمىستى جوعارى باعالادى. اسىرەسە، پرەزيدەنتتىك كانديداتتاردىڭ اراسىندا ەكى ايەل ادام بولعانى جاقسى كورسەتكىش دەيدى ولار. رەسمي كورسەتكىشتەردە دە سەرپىلىس بار ەكەنى انىق بايقالادى. كەلەلى كەڭەس ەكى كۇن بويى وتەدى. كونفەرەنسيا قورىتىندىسى بويىنشا عىلىمي نەگىزدەلگەن ساراپتامالىق تالداۋ ازىرلەنەدى، ول ۇكىمەت پەن اكىمدىكتەرگە جەتكىزىلەتىن بولادى.

«قازىرگى تاڭدا عىلىمي قىزمەتكەرلەردىڭ 54% – ايەلدەر. وسى جىلدان باستاپ گەندەرلىك اسپەكتىنى قولعا الىپ جاتىرمىز. ءقازىر ايەلدەردىڭ عىلىمعا دەگەن بەلسەندىلىگى كۇشەيىپ كەلە جاتىر»، - دەيدى ق ر عىلىم جانە جوعارى ءبىلىم ءمينيسترى ساياسات نۇربەك.