الماتىدا قالا اكىمىنىڭ تاپسىرماسى بويىنشا 2024 جىلى حقب باعدارلاماسى بويىنشا 364 جوبا ىسكە اسىرىلدى
الماتىنىڭ دامۋىنداعى ماڭىزدى باعىت «حالىق قاتىساتىن بيۋدجەت» جوباسى (حقب) بولىپ تابىلادى، وندا قالا تۇرعىندارى ءوتىنىم بەرەدى جانە ىسكە اسىرۋ ءۇشىن ءتيىستى جوبالاردى تاڭدايدى. 2024 جىلى حقب اياسىندا 18،8 ملرد تەڭگە سوماسىنا 364 جوبا ىسكە اسىرىلدى، دەپ حابارلايدى قالالىق قارجى باسقارماسى.
بۇل رەتتە الماتىلىقتاردان بەرىلگەن وتىنىمدەر سانى «حالىق قاتىساتىن بيۋدجەت» باعدارلاماسى ىسكە قوسىلعان 2019 جىلمەن سالىستىرعاندا 2024 جىلى 18 ەسەگە ءوستى. سودان كەيىن تۇرعىنداردان بارلىعى 333 جوبالىق ۇسىنىس كەلىپ ءتۇستى، ال 2024 جىلى – 6118 ءوتىنىم. ونىڭ ىشىندە وتكەن جىلى داۋىس بەرۋگە 1402 جوبا جانە ىسكە اسىرۋعا – 316 جوبا جىبەرىلدى.
ايتا كەتەيىك، ءۇش جىل ىشىندە الماتىدا قالا اكىمى ەربولات دوسايەۆتىڭ تاپسىرماسى اياسىندا 39،1 ملرد تەڭگەگە 938 جوبا ىسكە اسىرىلدى. حقب جوبالارىنا 2025 جىلعا ارنالعان قالا بيۋدجەتىندە 17 ملرد تەڭگە قاراستىرىلعان.
ەستەرىڭىزگە سالا كەتەيىك، وسى باعدارلاما اياسىندا تۇرعىنداردىڭ وزدەرى اباتتاندىرۋ يدەيالارىن ۇسىنادى، ولاردى جوبا دەڭگەيىنە دەيىن پىسىقتايدى، سودان كەيىن ونلاين داۋىس بەرۋ ارقىلى جەڭىمپازداردى تاڭدايدى. حقب باعدارلاماسىنىڭ ارقاسىندا الماتىدا جاڭا ساياباق-جاعالاۋ ايماقتارى، قوعامدىق كەڭىستىكتەر قۇرىلۋدا، ەسكى اۋلالاردىڭ كەلبەتى جاقسارۋدا، جاياۋ جۇرگىنشىلەر ايماقتارى، بالالار الاڭدارى، اللەيالار جانە باسقا دا نىساندار اباتتاندىرىلۋدا.