الماتىدا 70 مىڭعا جۋىق كولىك يەسىنىڭ مەملەكەتكە 3،5 ميلليارد تەڭگەدەن استام قارىزى بار.
كەيبىر بورىشكەرلەردىڭ بەرەشەگى 20 ميلليون تەڭگەدەن اسىپ كەتكەن، دەپ حابارلايدى aqshamnews.kz.
ايتا كەتەيىك، 2024 جىلعى كولىك سالىعىن تولەۋ مەرزىمى 1-ساۋىردە اياقتالادى. ەگەر وسى ۋاقىتقا دەيىن سالىق تولەنبەسە، بورىشكەرلەرگە قاتىستى زاڭدى شارالار قولدانىلادى. اتاپ ايتقاندا، شوتتاردى بۇعاتتاۋ، مۇلىككە تىيىم سالۋ جانە ەلدەن شىعۋعا شەكتەۋ قويىلۋى مۇمكىن. كولىك سالىعىن E-Salyq Azamat قوسىمشاسى، ەكىنشى دەڭگەيلى بانكتەردىڭ موبيلدىك قوسىمشالارى نەمەسە «قازپوشتا» بولىمشەلەرى ارقىلى تولەۋگە بولادى. ماماندار سالىقتى ۋاقىتىندا وتەۋدى ەسكەرتەدى، ويتكەنى مەرزىمى ءوتىپ كەتكەن جاعدايدا ايىپپۇل مەن ءوسىمپۇل قاراستىرىلادى.