ۇقك اۋە قىزمەتىنىڭ ان-26 ۇشاعى وسىدان 4 جىل بۇرىن الماتى تۇبىندە اپاتقا ۇشىراعان ەدى.
ۇشاق قالدىعى مەتالل سىنىعى رەتىندە ساتىلدى، دەپ حابارلايدى aqshamnews.kz.
مەملەكەتتىك مۇلىك تىزىلىمىنە جانە ءتيىستى ساۋدا-ساتتىققا رەسمي قول جەتكىزۋ نۇكتەسى رەتىندە تانىلعان ە-qazyna.kz ۆەب-پورتالىندا جاريالانعان لوت مالىمەتتەرىنە سايكەس، قيراعان ۇشاقتى ساتىپ الۋعا قاتىسۋ ءۇشىن الەۋەتتى ساتىپ الۋشى 810 897 تەڭگە مولشەرىندە كەپىلدەندىرىلگەن جارنا تولەۋى ءتيىس بولدى. ال باستاپقى باعا - 1 351 494،75 تەڭگە.
ساۋدا-ساتتىق بارىسىندا سالماعى 14 توننا 60 كەلى بولاتىن ان-26 ۇشاعىنىڭ قيراندىسى 1 416 200 تەڭگەگە ساتىلدى.
- لوت ءۇش رەت جاريالانىپ، تورتىنشىسىندە ساتىلدى. ەرەجەگە سايكەس، مەتالل سىنىقتارى ۇقك ۇسىنىسى بويىنشا ونەركاسىپ جانە قۇرىلىس ءمينيسترىنىڭ بۇيرىعىمەن ساتىلاتىن نىساندار تىزىلىمىنە ەنگىزىلىپ باعالاندى جانە ساتىلدى، - دەدى قيراعان ۇشاقتى ساۋدا-ساتتىققا شىعارعان «قازارناۋلىەكسپورت» كاسىپورنى.