بۇل سايلاۋدىڭ ناتيجەسى كوپشىلىك كۇتكەندەي بولدى. قالعان ۇمىتكەرلەر - ەڭبەك ادامدارى، ءبىراق ولاردى وسى كۇنگە دەيىن حالىق بىلە بەرمەيتىن. ءاربىر سايلاۋ – بۇل كوپ نارسەنى ۇيرەنۋگە كومەكتەسەتىن بەلگىلى ءبىر ساباق.
سايلاۋدا زاڭبۇزۋشىلىقتار بولعان جوق، مۇنى ءارتۇرلى ۇيىمدار مەن باقىلاۋشىلار دا راستادى. سونداي-اق، حالىقارالىق باقىلاۋشىلاردىڭ مۇنداي ماڭىزدى شاراعا قاتىسقانى قۋانتادى، مەن بۇعان ءوزىم كۋا بولدىم. دەگەنمەن، رەسپۋبليكا بويىنشا كىشىگىرىم جەكە قاتەلىكتەر بولعانىن دا ايتا كەتكەن ءجون.
وكىنىشكە قاراي، بۇل كۇنى الماتىلىقتاردا مەرەكەلىك كوڭىل-كۇي بايقالمادى. الماتىلىقتاردىڭ كوپشىلىگى سايلاۋ پروسەسىنە قاتىسقان جوق، ءبىزدىڭ قالا تۇرعىندارى ەل بويىنشا بەلسەندىلىگى تومەن سايلاۋشىلار تىزىمىندە بولدى. سونداي-اق، سايلاۋ كەزىندە وپپوزيسيا وكىلدەرىنەن ۇمىتكەر بولماعانى وتە وكىنىشتى. وپپوزيسيا بولۋى بارلىق ەلدەرگە ءتان.
ەندى پرەزيدەنت ءوز باعدارلاماسىن ۇستانۋى كەرەك، حالىق ونى قولدايدى. ءبىز بارلىق سالالاردا وڭ ناتيجەگە قول جەتكىزەمىز دەپ سەنەمىز جانە قاسىم-جومارت كەمەلۇلىن قۇتتىقتاي وتىرىپ، تۇبەگەيلى وزگەرىستەرگە ۇمىتتەنەمىز. ءقازىر اۋىلدىڭ ءال-اۋقاتى الاڭداتادى. سونداي-اق، ەل ەكونوميكاسىنداعى ماسەلەلەردى اينالىپ وتۋگە بولمايدى. مەملەكەت باسشىسى حالىقتىڭ ءال-اۋقاتىنا قاتىستى سۇراقتاردا نەعۇرلىم ناقتى شارالار قولدانۋى قاجەت. پرەزيدەنتتىك سايلاۋدان كەيىنگى العاشقى وزگەرىس – پارلامەنتتىك سايلاۋ. مەنىڭ ويىمشا، جاڭا جىلدان كەيىن بۇل ماسەلە شەشىلەدى. پارلامەنتتى وزگەرتۋ، پارتيالارمەن، قوعامدىق ۇيىمدارمەن جانە وپپوزيسيالىق قوزعالىسپەن جۇمىستى قايتا قاراۋ قاجەت.