سايلاۋ قورىتىندىسى بولجامدارعا سايكەس بولدى. ويتكەنى، قاسىم-جومارت توقايەۆتىڭ قارسىلاستارى ءالسىز ەكەنىن بارلىق ساراپشىلار دا ايتقان.
سايلاۋدان كەيىن قانداي رەفورمالار كۇتەمىز؟ بۇگىنگى تاڭدا كۇش قۇرىلىمدارىن عانا ەمەس، سوت جۇيەسىن دە رەفورمالاۋ قاجەت. ەڭ الدىمەن، قوعامدى ىشىنەن قۇرتاتىن سىبايلاس جەمقورلىقپەن كۇرەسۋ كەرەك. حالىق مەملەكەت باسشىسىنا سەنىم ءبىلدىردى، سوندىقتان ءبىز ودان ەل تىنىشتىعىن بۇزۋدى ماقسات تۇتاتىندارعا قاتىستى ناقتى ارەكەتتەر مەن قاتاڭ شارالار قولدانادى دەپ كۇتەمىز.
حالىق ەڭ الدىمەن ەكونوميكا سالاسىنداعى رەفورمالاردى كۇتەدى. قازاقستاندىقتاردىڭ ءال-اۋقاتىن ارتتىرۋ قاجەت. ازاماتتاردىڭ قاسىم-جومارت توقايەۆقا سەنۋى قاجەت. بۇل سايلاۋ جاڭا قازاقستاننىڭ قۇرىلىسىنداعى شەشۋشى كەزەڭ بولادى دەپ ۇمىتتەنەمىز. سونداي-اق، ءبىلىم، عىلىم جۇيەسى تۇبەگەيلى رەفورمالاۋدى قاجەت ەتەدى. ءبىلىم سالاسىندا نە بولىپ جاتقانىن قارايىق. شەت مەملەكەتتەر كەڭەستىك ءبىلىم بەرۋ جۇيەسىنە كوشىپ جاتسا، ءبىز ۇنەمى تۇسىنىكسىز جاڭالىقتار ەنگىزىپ كەلەمىز. اۋىل شارۋاشىلىعى سالاسىندا دا بىلىق كوپ، مۇنىڭ ءبارى اقشانى ءتيىمسىز شاشۋعا اكەلەدى. وسىدان اۋىل شارۋاشىلىعى سالاسىندا دا رەفورمالار قاجەت ەكەنىن تۇسىنەمىز.
"ب ا ق تۋرالى" زاڭعا دا بايىپتى تۇزەتۋ قاجەت. بۇرىن بارلىق بۇقارالىق اقپارات قۇرالدارى پارتيا ورگاندارىنا باعىناتىن، ءقازىر تەحنولوگيا داۋىرىندە كوپتەگەن جەكە ب ا ق وكىلدەرى پايدا بولدى، ءباسپاسوزدىڭ بەدەلى تومەندەپ، تارالىمدارى دا ازايۋدا، ال جۋرناليستيكانىڭ ۇزدىك ماماندارى PR يندۋسترياسىنا كەتىپ جاتىر. بۇل جۇمىستار ءبىر كۇندىك ەمەس، ۇزاق ۋاقىتتى تالاپ ەتەتىنى تۇسىنىكتى. ق.توقايەۆتىڭ الداعى جەتى جىلعا ارنالعان جۇمىسى وتە كوپ. ونىڭ بارلىق جوسپارلارى ورىندالادى دەپ ۇمىتتەنەمىز.