بيىل ءال-فارابي اتىنداعى قازاق ۇلتتىق ۋنيۆەرسيتەتى ءتول گازەتىنىڭ باسپادان شىعىپ، وقىرمانعا جول تارتقانىنا 75 جىل تولدى. وسىناۋ مەرەكە وراي قازۇۋ كىتاپحاناسىندا باسىلىمنىڭ نەگىزىن قالاعان، گازەتتە ەڭبەكتەرى جارىق كورگەن جۋرناليستەر مەن ۋنيۆەرسيتەت وقىتۋشىلارى باس قوسىپ، مەرەكەلىك ءىس-شارا وتكىزدى. جيىننىڭ شىمىلدىعىن ب ا ق سالاسىنداعى مەملەكەتتىك ساياسات دەپارتامەنتىنىڭ ديرەكتورى قاينار احەتوۆ قۇتتىقتاۋ سوزبەن اشتى.
«بۇگىندە ءال-فارابي اتىنداعى قازاق ۇلتتىق ۋنيۆەرسيتەتى – قازاقستاننىڭ عىلىمى، ساياسي ءومىرى مەن ەكونوميكاسىنا زور ۇلەس قوساتىن، ەلىمىزدەگى جەتەكشى وقۋ ورنى. ۋنيۆەرسيتەت عىلىم مەن ءبىلىم بەرۋدىڭ حالىقارالىق كەڭىستىگىندە لايىقتى ورىنعا يە بولدى. وسى ۋنيۆەرسيتەتتەگى «Qazaq Universiteti» باسىلىمى ستۋدەنتتەرگە، وقىتۋشىلارعا، عىلىمي قىزمەتكەرلەرگە ءارتۇرلى سالاداعى تىڭ اقپاراتتار جاريالاۋعا مۇمكىندىك بەرەدى. سونداي-اق، كوپجىلدىق تاريحى بۇل گازەت وقىرمانداردى فاكۋلتەتتەردە وتكىزىلىپ جاتقان ءىس-شارالار مەن جاڭا وقۋلىقتار، مونوگرافيالار، شىعارماشىلىق جەتىستىكتەرمەن تانىستىرۋدا»، – دەدى ق.احەتوۆ.
شارانىڭ اشىلۋ سالتاناتىندا قازۇۋ باسقارما مۇشەسى، اكادەميالىق ماسەلەلەر جونىندەگى پرورەكتورى ءلاززات ەركىنبايەۆا جۇرەكجاردى لەبىزىن ءبىلدىرىپ، گازەتتىڭ ماقسات-مىندەتتەرىن ءسوز ەتتى.
«Qazaq Universiteti» گازەتى – قازۇۋ-دىڭ بەتكە ۇستارى. بۇل گازەتتە ۋنيسەرسيتەتتىڭ بارلىق جەتىستىكتەرى، مىقتى تۇلعالار تۋرالى ەستەلىكتەر جاريالانىپ وتىرادى»، – دەيدى ءال-فارابي اتىنداعى قازۇۋ پرورەكتورى ءلاززات ەركىنبايەۆا.
«Qazaq Universiteti» گازەتىنىڭ العاشقى سانى 1948 جىلى جارىق كورگەن. عاسىردىڭ تورتتەن ءۇش بولىگىن ارتتا قالدىرعان گازەت العاش رەت «زا وتليچيە ۆ ۋچەبە» دەپ اتالىپ، كەيىننەن قازۇۋ-دىڭ ءتول اتاۋىن يەلەنگەن. باسىلىمعا «Qazaq Universiteti» دەگەن اتاۋ بەرگەن ساعىمباي قوزىبايەۆتىڭ ايتۋىنشا، گازەت تىگىندىلەرى شىن مانىسىندە ۋنيۆەرسيتەت تاريحىنىڭ شەجىرەسىنە، ستۋدەنتتەردىڭ، وقىتۋشىلاردىڭ باعىندىرعان بەلەستەرى تۋرالى جاريا ەتەتىن ۇجىمدىق بايانعا اينالدى.
ەلىمىزدىڭ تانىمال جازۋشىلارى، عالىمدارى مەن جۋرناليستەرى ەڭبەك جولىن وسى گازەتتەن باستاعان. سولاردىڭ ءبىرى – «قازاق گازەتتەرى» ج ش س باس ديرەكتوردىڭ ورىنباسارى، الماتى قالاسى باسىلىمدارىنىڭ باسشىسى دۋمان اناش.
«ستۋدەنتتىك كەزەڭدە ەڭ العاش وسى گازەتتەن قالام تەربەپ، مەرزىمدى باسپاسوزدەگى العاشقى قادامىمىزدى وسى كەزەتتەن باستاعانبىز. سول كەزدە بەكجان اشىربايەۆ اعامىز باس رەداكتور بولاتىن. كۇن سايىن، ساباق اراسىندا رەداكسياعا كىرىپ، گازەتكە قانداي ماقالالار شىعىپ جاتقانىن قاراپ جۇرەتىنبىز. سول جىلدارى بەيبىت سارىبايدىڭ العاشقى اڭگىمەلەرى «Qazaq Universiteti» گازەتىندە جاريالانىپ، ستۋدەنتتەر اراسىندا تانىمالدىققا يە بولعان. بارلىعى وقىپ، بەيبىتتى گازەت ارقىلى تانىعان بولاتىن. جالپى، بۇل گازەت ەلگە تانىمال اقىن-جازۋشىلار، جۋرناليستەر، عالىمداردىڭ تىرناق الدى تۋىندىلارىن العاش جاريالاعان باسىلىم رەتىندە بارشامىزعا ىستىق »، – دەيدى د.اناش.
شارا بارىسىندا گازەتكە باس رەداكتورلىق ەتكەن دانداي ىسقاق، ساعاتبەك مەدەۋبەك ۇلى ەستەلىكتەرىمەن ءبولىستى. ودان بولەك، جۋرناليستيكا تاريحىندا ەلەۋلى ورنى بار كاكەن قامزين، مولداحان ابدرايەۆ، گۇلميرا سۇلتانبايەۆا سىندى پروفەسسور-وقىتۋشىلار گازەتتىڭ مەرەيتويىمەن قۇتتىقتاپ، عۇمىرى ۇزاق بولۋىن تىلەدى.
جيىن سوڭىندا ستۋدەنتتەردىڭ «Qazaq Universiteti» گازەتى تۋرالى دايىنداعان بەينە ماتەريالدارى، راديو باعدارلامارى مەن عىلىمي جوبالارى ەكراننان كورسەتىلىپ، ۇزدىكتەرى ديپلوممەن ماراپاتتالدى. ونىڭ ىشىندە «ويلايىق» زيانكەرلىك ويىنىن دايىنداعان باعلان تۇرعانبەك، «عاسىرمەن سىرلاس باسپا ءسوز» دەرەكتى ءفيلمىن ازىرلەگەن قوسقانات باۋىرجان، «گازەتتە اۋيدار كوپ، قوعامدا بايقار كوپ» جارنامالىق روليگىن پاش ەتكەن سايات تولەمىستىڭ ەسىمدى ەرەكشە اتالدى.
سونداي-اق، گازەتتىڭ جارىققا شىعۋىنا سۇبەلى ۇلەس قوسقان ۋنيۆەرسيتەت وقىتۋشىلارىنا ارنايى ستاتۋەتكا تابىستالدى.