تاۋەلسىزدىك كۇنى مەرەكەسى قارساڭىندا الماتى حقو-لارى قىزمەت الۋشىلارعا كوتەرىڭكى كوڭىل-كۇي سىيلادى
مەملەكەتتىك كورپوراسيا تاۋەلسىزدىك كۇنىنە وراي اكسيا ۇيىمداستىردى. وسىلايشا، تاڭەرتەڭنەن باستاپ حقو قىزمەتكەرلەرى جەكە كۋالىگىن العاش رەت العان كليەنتتەرگە «قازاقستان» شوكولادى مەن كادەسىي جالاۋلارىن تاراتۋعا كىرىستى. داستۇرگە اينالعان بۇل ءىس-شارا وسكەلەڭ ۇرپاقتىڭ پاتريوتتىق سەزىمىن وياتۋعا باعىتتالعان.
“مەرەكە قارساڭىندا قالانىڭ 8 اۋدانىندا ورنالاسقان فرونت- وفيستەرىندە مەرەكەلىك شارا وتكىزدىك. قىزمەت الۋشىلاردى، ونىڭ ىشىندە العاش رەت جەكە كۋالىك الىپ جاتقان جاستاردى قۇتتىقتادىق. قۇجاتپەن بىرگە قازاقستاننىڭ رامىزدەرى بەينەلەنگەن شاعىن سىيلىقتاردى تابىس ەتءىپ، مەرەكەلىك كوڭىل-كۇي سىيلادىق. مەرەكە قارساڭىندا 480-نەن استام الماتىلىق كامەلەت جاسىنا تولىپ، العاش رەت جەكە كۋالىكتەرىن الدى. ولاردىڭ ەرەسەك ومىرگە باسقان قادامدارىنا ساتتىلىك ايتىپ، تاۋەلسىز ەلىمىزگە كىرىش بوپ قالانىپ، قازاقستاننىڭ لايىقتى ازاماتتارى بولۋىنا تىلەك بىلدىردىك»، - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنىڭ ديرەكتورى ابدۋراسۋل كۋلداشوۆ.
كادەسىي العان جاستار ەرەسەك ومىرگە باسقان قادامى وسىنداي جاعىمدى توسىنسىيمەن باستالعانىنا قۋاندى. جالپى الماتى حقو-لارىندا كوتەرىڭكى كوڭىل-كۇي سىيلايتىن مەرەكەلىك اتموسفەرانى بايقاۋعا بولادى.