الماتى قالاسىندا «Giovani Talenti كامەرالىق وركەسترىنىڭ رەپەرتۋارىنداعى قازاقستاندىق كومپوزيتورلاردىڭ شىعارمالارى» اتتى جيناقتىڭ تۇساۋكەسەرى ءوتتى.
بۇل جيناق رەسپۋبليكالىق «تاۋەلسىزدىك ۇرپاقتارى» گرانتى اياسىندا باسىلىپ شىقتى. ءىس-شارا قازاقستانداعى اكادەميالىق مۋزىكا مادەنيەتىنىڭ نەگىزىن قالاۋشى احمەت جۇبانوۆتىڭ تۋعان كۇنىنە وراي ۇيىمداستىرىلدى، دەپ حابارلايدى aqshamnews.kz.
جوبانىڭ اۆتورى – حالىقارالىق بايقاۋلاردىڭ لاۋرەاتى ارشات ءشارىپ. 2024 جىلى ول «مادەنيەت» باعىتى بويىنشا «تاۋەلسىزدىك ۇرپاقتارى» مەملەكەتتىك گرانتىنىڭ جەڭىمپازى اتاندى.
جيناقتا قازىرگى قازاقستاندىق اۆتورلاردىڭ كامەرالىق وركەسترگە لايىقتالعان شىعارمالارى بار. بۇل كىتاپتىڭ ماقساتى – جاس ورىنداۋشىلار ءۇشىن ۇلتتىق رەپەرتۋارداعى شىعارمالاردىڭ قورىن كوبەيتىپ، جيناقتاۋ. شىعارمالاردى Giovani Talenti كامەرالىق وركەسترى ورىنداعان. وركەستر قۇرامىندا احمەت جۇبانوۆ اتىنداعى رەسپۋبليكالىق مامانداندىرىلعان مۋزىكالىق مەكتەپ-ينتەرناتىنىڭ 25 جاس مۋزىكانتى بار.
«تاۋەلسىزدىك ۇرپاقتارى» گرانتى دارىندى جاستاردى مەملەكەتتىك قولداۋ ماقساتىندا، پرەزيدەنت قاسىم-جومارت توقايەۆتىڭ باستاماسىمەن 2021 جىلدان بەرى تابىستالىپ كەلەدى.