سۋ رەسۋرستارى جانە يرريگاسيا مينيسترلىگى تاسقىن سۋىن قابىلداۋ جانە ءقاۋىپسىز وتكىزۋ ءۇشىن ەلىمىزدىڭ سولتۇستىك، باتىس، شىعىس جانە ورتالىق ايماقتارىنداعى ءىرى سۋ قويمالارىنان سۋ جىبەرىپ جاتىر.
30 ءساۋىر كۇنگى جاعداي كەلەسىدەي، دەپ حابارلايدى aqshamnews.kz.
اقمولا، اقتوبە، قاراعاندى، قوستاناي، باتىس قازاقستان جانە ۇلىتاۋ وبلىستارىنىڭ سۋ قويمالارىندا سۋ تاسقىنىنىڭ بەلسەندى كەزەڭى اياقتالدى.
شىعىس قازاقستان وبلىسىندا بۇقتىرما سۋ قويماسىنان سەكۋندىنا 937 تەكشە مەتر، ال وسكەمەن سۋ قويماسىنان 1032 تەكشە مەتر سۋ جىبەرىلىپ جاتىر.
اباي وبلىسىنداعى ءشۇلبى سۋ قويماسىنان سەكۋندىنا 2700 تەكشە مەتر سۋ جىبەرىلىپ جاتىر.
سولتۇستىك قازاقستان وبلىسىندا سەرگەيەۆ سۋ قويماسىنان سەكۋندىنا 782،12 تەكشە مەتر، پەتروپاۆل سۋ قويماسىنان 2904.12 تەكشە مەتر سۋ جىبەرىلۋدە.