5 ماۋسىمدا وتەتىن رەفەرەندۋمعا بايلانىستى الەمنىڭ ءار تۇكپىرىندە سايلاۋ ۋچاسكەلەرى دايىندىقتارىن باستادى.
گەرمانيادا 2 سايلاۋ ۋچاسكەسى اشىلادى. ونىڭ ءبىرى بەرليندەگى قازاقستان ەلشىلىگىندە بولسا، ەكىنشىسى ماينداعى فرانكفۋرت قالاسىنداعى باس كونسۋلدىقتا، دەپ حابارلايدى Almaty-akshamy.kz Qazaqtv.com-عا سىلتەمە جاساپ.
كونسۋلدىق ءبولىمىنىڭ قىزمەتكەرلەرى وسى ەلگە كەلگەن سوڭ تىركەلگەن بارلىق قازاقستاندىق ازاماتتارعا رەفەرەندۋم تۋرالى ەلشىلىكتىڭ رەسمي سايتى جانە الەۋمەتتىك جەلىلەرى ارقىلى اقپارات بەردى. سايلاۋ ۋچاسكەلەرى جەرگىلىكتى ۋاقىت بويىنشا تاڭعى ساعات 7-دە اشىلىپ، كەشكى ساعات 20.00-دە جابىلادى
"گەرمانيادا ءجۇرىپ جۇرگەن قازاقستاننىڭ 18 جاسقا تولعان جانە بەلسەندى سايلاۋ قۇقىعىنا يە ازاماتتار قاتىسا الادى. ءبىز اۋقىمدى جۇمىس وتكىزدىك. وسىعان بايلانىستى، قازىرگى تىزىمدە بىزدە ەكى جۇزدەن اسا مۇمكىن ءۇش جۇزگە باراتىنداي قازاقستان ازاماتتارى تىركەلگەن. سولار ەندى جەكسەنبى كۇنى كەلىپ، ءوز داۋىستارىن بەرەدى دەپ ويلايمىز"، - №247ء-شى سايلاۋ ۋچاسكەسى كوميسسياسىنىڭ ءتوراعاسى شولپان شىناسىلوۆا.
سونداي-اق، 5 ماۋسىم كۇنى قىتايداعى وتانداستارىمىز دا ازاماتتىق ۇستانىمىن بىلدىرە الادى. سايلاۋ ۋچاسكەسى نۇر-سۇلتان قالاسى ۋاقىتىمەن تاڭعى 5-تەن كەشكى 6-عا دەيىن اشىق بولادى. داۋىس بەرۋشىلەرگە ءتيىستى اقپارات قازاقستاننىڭ شانحاي مەن گونكونگتاعى ەلشىلىگى مەن باس كونسۋلدىقتارىنىڭ سايتتارى مەن الەۋمەتتىك جەلىدەگى پاراقشالارىندا جاريالانعان. رەفەرەندۋم بارىسىن باقىلاۋ ءۇشىن ەل استاناسىنا شانحاي ىنتىماقتاستىق ۇيىمى باقىلاۋشىلارىنىڭ ميسسياسى كەلەدى. قازىرگى ۋاقىتتا اسپان استى ەلىندە كوروناۆيرۋستىڭ تارالۋى جوعارى. وسىعان بايلانىستى ديپلوماتيالىق وكىلدىك ازاماتتاردىڭ قاۋىپسىزدىگىن قامتاماسىز ەتۋ باعىتىندا ناقتى شارالار قابىلدايدى. ايتا كەتەيىك، ىندەتكە بايلانىستى ازاماتتاردىڭ ءبارى رەفەرەندۋمعا قاتىسا المايدى. كارانتين اۋماعىنداعىلار مەن لوكداۋنعا جابىلعان ۋنيۆەرسيتەتتەردىڭ ستۋدەنتتەرى بۇل شارانى وتكىزىپ الۋى مۇمكىن.
"قىتايدا وقىپ جۇرگەن وقۋشىلاردىڭ قازاقستانعا قايتۋىنا بايلانىستى، ءبىزدىڭ سىرتتا قىتايدا جۇرگەن ازاماتتاردىڭ سانى كۇرت تومەندەدى. بيىل ءبىزدىڭ ساناۋىمىز بويىنشا، ءبىزدىڭ 257 ۋچاسكەسىنىڭ 95 ازامات تىركەلگەن. شانحايدا 25 ازامات، گونكونگتا 36 ازامات تىركەلگەن. جالپى ولار بويىنشا ءبىز ورتالىق سايلاۋ كوميسسياسىنىڭ رەگلامەنتىنە ساي، ولاردى اقپاراتتاندىرۋ جانە وسى ۋچاسكە بويىنشا اقپاراتتى 10 كۇن بۇرىن ءبىز ولارعا مالىمدەدىك"، - دەدى شىۇ حاتشىلىعى جانىنداعى تۇراقتى وكىلى، قر-دىڭ قحر-داعى ەلشىلىگىنىڭ جانىنداعى #257 سايلاۋ ۋچاسكەسى كوميسسياسىنىڭ ءتوراعاسى نۇرلان اققوشقاروۆ.