الەمدىك جانە ءداستۇرلى دىندەر ليدەرلەرىنىڭ VII سەزد جۇمىسىنا قاتىسادى.
ۆاتيكانعا رەسمي ساپارمەن كەلگەن قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ريم پاپاسى فرانسيسكتىڭ جەكە قابىلداۋىندا بولدى، دەپ حابارلايدى Almaty-akshamy.kz.
«اپوستول سارايىنىڭ پاپا كىتاپحاناسىندا وتكەن كەلىسسوزدەر بارىسىندا پونتيفيك قازاقستان ۆاتيكاننىڭ ورتالىق ازياداعى سەنىمدى سەرىكتەسى ەكەنىن اتاپ ءوتتى. ريم-كاتوليك شىركەۋىنىڭ باسشىسى ق ر پرەزيدەنتى قاسىم-جومارت توقايەۆتىڭ «جاڭا قازاقستاندى» قۇرۋ جانە كونستيتۋسياعا وزگەرىستەر ەنگىزۋ بويىنشا الداعى جالپىۇلتتىق رەفەرەندۋم وتكىزۋ اياسىنداعى ساياسي جانە ەكونوميكالىق رەفورمالارىنا جوعارى باعا بەردى. تاراپتار اعىمداعى جىلدىڭ قىركۇيەك ايىندا قازاقستان استاناسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنىڭ كۇن ءتارتىبىن تالقىلادى»، - دەلىنگەن ق ر سىرتقى ىستەر مينيسترلىگىنىڭ باسپا ءسوز قىزمەتىنىڭ حابارلاماسىندا.
پونتيفيك قازاقستاننىڭ كونفەسسياارالىق كەلىسىم مەن ءدىنارالىق ديالوگتى ىلگەرىلەتۋگە قوسقان ۇلەسىن ريزاشىلىقپەن اتاپ ءوتتى. ريم پاپاسى فرانسيسكتىڭ قازاقستانعا مەملەكەتتىك ساپارمەن كەلۋى جانە سەزد جۇمىسىنا قاتىسۋى تۋرالى تاريحي شەشىمى ەرەكشە اتاپ ءوتىلدى.
مينيستر ريم پاپاسىنىڭ ساپارىن تەك قازاقستاننىڭ عانا ەمەس، بۇكىل ورتالىق ازيادان كەلەتىن كاتوليكتەر تاعاتسىزدانا كۇتەتىنىن حابارلادى. بۇدان بولەك، م.تىلەۋبەردى قاسيەتتى تاقتىڭ مەملەكەتتىك حاتشىسى (پرەمەر-مينيسترى) كاردينال پەترو پارولينمەن جانە ءدىنارالىق ديالوگ بويىنشا پاپا كەڭەسىنىڭ ءتوراعاسى كاردينال ميگەل انحەل ايۋسو گيكسوتپەن ەكىجاقتى كەلىسسوزدەر جۇرگىزدى.
تاراپتار قازاقستان مەن قاسيەتتى تاق اراسىنداعى رۋحاني كەلىسىم مەن ءوزارا قۇرمەت سالاسىنداعى ىنتىماقتاستىقتى ودان ءارى دامىتۋ ماسەلەلەرىن تالقىلادى.
كونفەسسياارالىق ديالوگتى دامىتۋعا، سونداي-اق الەمدىك جانە ءداستۇرلى دىندەر ليدەرلەرى سەزىنىڭ يدەيالارىن ىلگەرىلەتۋگە قوسقان قوماقتى ۇلەسى ءۇشىن م.تىلەۋبەردى مەملەكەت باسشىسىنىڭ اتىنان م.ا. ايۋسو گيكسوتقا ءىى دارەجەلى «دوستىق» وردەنىن تاپسىردى.