باسەكە 2-3 ماۋسىم كۇندەرىنە جوسپارلانعان.
الماتىدا ۇستەل تەننيسىنەن جاسوسپىرىمدەر اراسىندا ورتالىق-ازيا بويىنشا ازيا چەمپيوناتىنا ىرىكتەۋ ءتۋرنيرى وتەدى، دەپ حابارلايدى Almaty-akshamy.kz Olympic.kz سىلتەمە جاساپ.
اتالعان باسەكە 2-3 ماۋسىم كۇندەرىنە جوسپارلانعان. ىرىكتەۋ دوداسىنا يران، قىرعىزستان، تاجىكستان، تۇركىمەنستان، وزبەكستان جانە قازاقستان قۇرامالارىنان سپورتشىلار قاتىسادى.
الان قۇرمانعالييەۆ، ەسكەندىر حاركي، سانجار جۇبانوۆ، ساعانتاي قۇرمامبايەۆ، سارۆينوز ميركاديروۆا، انگەلينا رومانوۆسكايا، انەل باقىت جانە اليسا سۆيگۋن قازاقستان نامىسىن قورعايدى.
جارىس كەستەسى تومەندەگىدەي:
2 ماۋسىم
09:00 - 19:00: كوماندالىق سانات بويىنشا ىرىكتەۋ كەزەڭى؛
3 ماۋسىم
09:30 - 13:30: كوماندالىق سانات بويىنشا جارتىلاي فينالدىق جانە فينالدىق كەزدەسۋلەر؛
14:00 - 18:00: جەكەلەي سانات بويىنشا ىرىكتەۋ كەزەڭى (ۇلدار، قىزدار)؛
18:00 - 19:30: جەكەلەي سانات بويىنشا فينال (ۇلدار، قىزدار).