مۋراتا مۇراتىنا جەتە المادى
قازاقستاندىق كاسىپقوي بوكسشى گەنناديي گولوۆكين (41-1-1، 36 كو) جاپونيانىڭ سايتاما قالاسىندا وتكەن كاسىپقوي بوكس كەشىندە شارشى الاڭ يەسى ريوتا مۋراتانى (16-2، 13 كو) جەڭدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
9 راۋندتقا سوزىلعان جەكپە-جەكتە وتانداسىمىز قارسىلاسىنان باسىم ءتۇستى.
گەنناديي گولوۆكين بۇل جەڭىسىنىڭ ارقاسىندا WBA Super، IBF جانە IBO نۇسقالارى بويىنشا چەمپيوندىق تيتۋلداردىڭ يەسى اتانىپ وتىر.
كاسىپقوي بوكس كەشىن «Qazaqstan» جانە «Qazsport» تەلەارنالارى تىكەلەي ەفيردە كورسەتتى. ونلاين رەجيمدەگىلەر ءۇشىن qazaqstantv جانە qazsporttv.kz سايتى مەن «Qazaqstan.tv» ءموبيلدى قوسىمشاسى ارقىلى دا كورسەتىلەدى.
Total Sport سايتى بۇعان دەيىن گەنناديي گولوۆكين بۇل كەشتەگى جەكپە-جەك ءۇشىن 5 ملن دوللار كولەمىندە كەپىلدەندىرىلگەن گونورار جانە وعان قوسا PPVء-دىڭ 70% ۇلەسىن الاتىنىن جازدى. بۇل شامامەن 12-15 ملن دوللار.