ق ر مادەنيەت جانە سپورت مينيسترلىگى مادەنيەت كوميتەتىنىڭ قولداۋىمەن «مادەنيەتتەردى جاقىنداستىرۋ ورتالىعى» مەملەكەتتىك مۋزەيى ق ر ۇلتتىق كىتاپحاناسىمەن بىرلەسىپ ۇلت ۇستازى، اعارتۋشى، عالىم-لينگۆيست، اقىن، اۋدارماشى ا. بايتۇرسىن ۇلىنىڭ تۋعانىنا 150 جىل تولۋىنا وراي «ۇلت ۇستازى ءھام الاشتىڭ احمەتى» اتتى حالىقارالىق كونفەرەنسيا وتكىزدى.
بۇل تۋرالى Almaty-akshamy.kz كىتاپحانانىڭ باسپا ءسوز قىزمەتىنە سىلتەمە جاساي وتىرىپ حابارلايدى.
«كونفەرەنسيانىڭ ماقساتى – اعارتۋشى، لينگۆيست-عالىم، ادەبيەتتانۋشى، تۇركىتانۋشى، اقىن جانە اۋدارماشى، قوعام قايراتكەرى، ساياسي پۋبليسيست، الاش پارتياسىنىڭ مۇشەسى احمەت بايتۇرسىن ۇلىنىڭ قوعامدىق-ساياسي كوزقاراستارى مەن عىلىمي يدەيالارىن زەرتتەۋ، زەردەلەۋ»،-دەلىنگەن حابارلامادا.
حالىقارالىق كونفەرەنسيانى يۋنەسكو قامقورلىعىنداعى حالىقارالىق مادەنيەتتەردى جاقىنداستىرۋ ورتالىعىنىڭ باس عىلىمي قىزمەتكەرى، جازۋشى ناعاشىبەك قاپالبەك ۇلى جۇرگىزىپ، العاشقى قۇتتىقتاۋ ءسوزدى يۋنەسكو قامقورلىعىنداعى حالىقارالىق مادەنيەتتەردى جاقىنداستىرۋ ورتالىعىنىڭ ديرەكتورى، قازاقستاننىڭ ەڭبەك ەرى، حالىق جازۋشىسى ولجاس سۇلەيمەنوۆ بەردى. سونىمەن قاتار الماتى قالاسى اكىمىنىڭ ورىنباسارى ارمان قىرىقبايەۆ، ق ر جازۋشىلار وداعى باسقارماسىنىڭ ءتوراعاسى، قازاقستاننىڭ ەڭبەك سىڭىرگەن قايراتكەرى ەسداۋلەت ۇلىقبەك ۇلت ۇستازى اتانعان احمەت بايتۇرسىن ۇلىنىڭ ەڭبەكتەرى جايلى باياندادى.
ونلاين رەجيمىندە قۇتتىقتاۋ سوزبەن: يۋنەسكو باس ديرەكتورىنىڭ الەۋمەتتىك جانە گۋمانيتارلىق عىلىمدار جونىندەگى ورىنباسارى (ۆيدەوۇندەۋ)، يۋنەسكو شتاب-پاتەرىنەن (پاريج، فرانسيا) گابريەللا راموس، قازاقستان رەسپۋبليكاسى مادەنيەت جانە سپورت مينيسترلىگى مادەنيەت كوميتەتى ءتوراعاسىنىڭ ورىنباسارى (نۇر-سۇلتان، قازاقستان) ماقسات ارعىنبەكوۆ بەينەحابارلاما جاسادى.
ءىس-شارا اياسىندا ق ر ۇلتتىق كىتاپحاناسىنىڭ قورىنان ۇلت ۇستازى، اعارتۋشى، عالىم-لينگۆيست، اقىن، اۋدارماشى ا. بايتۇرسىن ۇلىنىڭ ءومىرى مەن شىعارماشىلىعىنا ارنالعان «ۇلت ۇستازى ─ احمەت بايتۇرسىن ۇلى» اتتى كىتاپ جانە مەرزىمدى باسىلىمدار كورمەسى ۇيىمداستىرىلدى.
كونفەرەنسياعا الەۋمەتتىك جانە گۋمانيتارلىق عىلىمدار، ءتىلتانۋ جانە تاريح سالاسىنىڭ جەتەكشى ماماندارى، زەرتتەۋشى عالىمدار، قوعام جانە مەملەكەت قايراتكەرلەرى، حالىقارارىق ۇيىمداردىڭ، ءبىلىم بەرۋ، زەرتتەۋ ۇيىمدارىنىڭ وكىلدەرى، ب ا ق وكىلدەرى، وقىتۋشىلار، دوكتورانتتار، وتاندىق جانە شەتەلدىك جوو ستۋدەنتتەرى قاتىستى.