پروموۋتەر ەددي حيرن قازاقستاندىق كاسىپقوي بوكسشى گەناديي گولوۆكيندى رينگكە قايتا ورالۋى مۇمكىن ەكەنىن ايتتى.
ءبىراق سپورتشى بۇرىنعىداي ورتا سالماقتا سىنعا تۇسە المايدى، دەپ حابارلايدى Almaty-akshamy.kz.
پروموۋتەر سوزىنە سۇيەنسەك، قازاقستاندىق بوكسشى كارەراسىن قايتا قولعا السا وندا سۋپەر ورتا سالماقتاعى سپورتشىلارمەن جۇدىرىقتاسادى. بۇل قاتاردا ەدگار بەرلانگا مەن حايمە مۋنگيا بار.
“ول ەدگار بەرلانگا مەن حايمە مۋنگياعا قارسى رينگكە شىقسا وندا تاماشا كەزدەسۋ بولار ەدى. دەسە دە گولوۆكين مۋنگياعا قاراعاندا الدەقايدا تانىمال. ءارى جاسىنا قاراماستان سوققىلارى دا، بوكسى دا ەرەكشە”، - دەيدى پروموۋتەر.
سونىمەن قاتار حيرن گولوۆكيندى قاتتى قۇرمەتتەيتىنىن جانە مۋنگيامەن كەزدەسۋدىڭ تەزىرەك بولعانىن قالايتىنىنا دا توقتالعان.
“ماعان مۋنگيا دا ۇنايدى. ءبىراق گولوۆكينمەن سالىستىرعاندا ونى ەليتالىق ساناتتىڭ بوكسشىسى دەپ ايتۋ قيىن. ءبىراق كورەرمەن ءۇشىن وتە قىزىق بوكس كەشى بولاتىنىنا سەنىمىم مول. ونىڭ ۇستىنە گەناديي نيۋ-يورك تورىندەگى Madison Square Garden ارەناسىندا جۇدىرىقتاستى. باستى سۇراق ەندى گولوۆكين ءوز كارەراسىن جالعاستىرا ما؟ وسى جايتتى شەشىپ الۋ كەرەك”، - دەپ قورىتىندىلاعان ءسوزىن ەددي حيرن.