الماتىدا قۇربان شالۋعا ارنالعان 14 ورىن بەلگىلەندى. بۇل تۋرالى وڭىرلىك كوممۋنيكاسيالار قىزمەتى الاڭىندا ءمۇفتيات وكىلدەرى حابارلادى. بيىلعى جىلى قۇربان ايت مەيرامى 28 ماۋسىمعا ءتۇسىپ تۇر جانە ول 30 ماۋسىمعا دەيىن تويلانادى، دەپ حابارلايدى almaty-akshamy.kz
الماتى قالاسىنداعى 54 مەشىتتە ايت نامازى تاڭعى ساعات 06:00-دە وقىلادى. ايتۋلى مەرەكەنىڭ باستى عيباداتى – قۇرباندىق شالۋ راسىمىنە مۇسىلمان جۇرتشىلىعى وسى ايت نامازىن وقىعان سوڭ كىرىسەدى.
«ءتورت تۇلىك مالدان تەك قانا قوي-ەشكى، سيىر جانە تۇيە عانا قۇرباندىققا شالىنادى. قوي مەن ەشكى ءبىر جاسقا، سيىر ەكى جاسقا، تۇيە بەس جاسقا تولۋى كەرەك. التى ايدان اسقان توقتى ءبىر جاسار قوي سياقتى ەتتى بولسا، قۇرباندىققا جارايدى. ال، ەشكى مىندەتتى تۇردە ءبىر جاسار بولۋى كەرەك. قوي مەن ەشكى ءبىر كىسى اتىنان قۇربان ەتىلەدى. ال، سيىر مەن تۇيەنى ءبىر ادامنان جەتى ادام دەيىن بىرىگىپ قۇربان شالۋ مۇمكىندىگىنە يە»، - دەدى الماتى قالاسىنىڭ باس يمامى تولەبي وسپان.
قۇرباندىقتى qurban2023.kz ارنايى سايتى ارقىلى ونلاين فورماتتا دا شالۋعا بولادى. ونلاين قۇربان شالعىسى كەلەتىندە اتالعان سايتتا قۇرباندىققا شالىناتىن مالدى تاڭداپ، وعان قاجەت قاراجاتتى سوندا كورسەتىلگەن رەكۆيزيتتەر بويىنشا اۋدارىپ جىبەرە الادى.
الماتى قالاسىندا قۇرباندىق شالۋعا رۇقسات ەتىلگەن ورىندار:
الاتاۋ اۋدانى بويىنشا:
1. «مىرزاحمەت» مەشىتى. «قاراسۋ» ى/ا، سولتۇستىك اينالىم ك-سى، 15 ءۇي.
2. «اسكەر اتا» مەشىتى. ايگەرىم-1 ى/ا، بەنبەرين ك-سى، 18/4.
3. «العاباس» مەشىتى. العاباس ى،ا؛ اقبوپە ك.،6.
اۋەزوۆ اۋدانى بويىنشا:
1. «تاۋگۇل» مەشىتى. تاۋگۇل-3 ى/ا، پاريمبەتوۆ ك-سى، 9ا.
بوستاندىق اۋدانى بويىنشا:
1. «باقىتكەلدى» مەشىتى. ءحان-تاڭىرى ى/ا، دۋلاتي، 27/11.
مەدەۋ اۋدانى بويىنشا:
1. الماتى ورتالىق مەشىتى. پۋشكين ك-سى، 16.
2. «ومار يبن ءال حاتتاب» مەشىتى. جۋكوۆ ك-سى، 136 ا.
3. «امانقۇل اتا» مەشىتى. ت.بيگەلدينوۆ ك-سى، 5
4. «فاتيما» مەشىتى. ش.جانىبەك ك-سى 148.
5. «رايىمبەك باتىر» مەشىتى. دۋمان-1 ى/ا، حان ءتاڭىرى ك-سى، 15.
6. «ارافات» مەشىتى. يبراگيموۆا ك-سى، 5 ا
ناۋرىزباي اۋدانى بويىنشا:
1. «قالقامان» مەشىتى. قالقامان-2 ى/ا، اسپاندياروۆ ك-سى، 84.
تۇركسىب اۋدانى بويىنشا:
1. «قايرات» مەشىتى. قايرات ى/ا، سارىمۋلدايەۆ ك-سى، 22.
جەتىسۋ اۋدانى بويىنشا:
1. «ۆايناح» مەشىتى. ايتىقوۆ ك-سى، 1ا.
«ونلاين قۇرباندىق شالۋ ءراسىمى – «التىن وردا» بازارىنىڭ ماڭىنداعى اباي اۋىلىندا ورنالاسقان «التىن ساقا» مال بازارىندا جۇرگىزىلەدى. قالا تۇرعىندارى «التىن ساقا» مال بازارىنا دا كەلىپ، مال ساتىپ الىپ، سول جەردە قۇرباندىعىن شالۋىنا بولادى. قۇرباندىق ەتىن قابىلداۋ پۋنكتتەرى قالانىڭ 54 مەشىتىندە دە قويىلعان. ارنايى مۇزداتقىشتار ورناتىلىپ، رەفريجەراتور تاسىمالداۋ كولىكتەرىمەن قامتاماسىز ەتىلمەك. قالا تۇرعىندارى ءوز ۇيىنە جاقىن مەشىتتەرگە بارىپ، قۇرباندىق ەتتەرىن وتكىزە الادى»، - دەدى الماتى ورتالىق مەشىتى يمامىنىڭ ورىنباسارى رۋسلان قايىرگەلدى.
قاسيەتتى مەرەكەدە بالالارعا دا نازار اۋدارىلادى، دەپ اتاپ ءوتتى بوستاندىق اۋدانى «بايكەن» مەشىتىنىڭ باس يمامى دانيار جۇمابايەۆ. الماتىدا قۇربان ايت مەرەكەسى كەلەسىدەي اتالىپ وتپەك:
1. الماتى قالاسىنداعى مەشىتتەردە قۇربان ايتقا قاتىستى مەرەكەلىك شارالار ياعني، مەرەكەلىك داستارحان جايۋ، بالالارعا ايتتىق تاراتۋ، بۇلدىرشىندەر ءۇشىن ارنايى باتۋت قۇرۋ، ۇلتتىق ويىندار ت.ب. ۇيىمداستىرىلادى.
2. قۇربان ايت مەرەكەسىنە وراي، الماتى ورتالىق مەشىتى، «بەكەت اتا»، «مىرزاحمەت»، «ءال-مادينا»، «ابدۋللا»، «رايىمبەك باتىر»، «نۇر-مۇباراك»، «ىنتىماق» جانە «مۇحامەد ءال-امين» مەشىتتەرىنىڭ اۋلالارىنا كيىز ۇيلەر قۇرىپ، جاماعاتقا داستۇرگە ساي ءدام ۇسىنىلاتىن بولادى.
3. «نۇر»، «قىستاۋباي ۇلى ماناس»، «قاراساي باتىر»، «باقىتكەلدى»، «ءال-حاميد» «رايىمبەك باتىر»، «قاراعايلى»، «تۇركىسب»، «اسكەر اتا»، «ارافات»، «وربيتا» جانە «نۇر» (اقجار) مەشىتتەرىندە مۇقتاج وتباسىلارعا ايتتىق قورجىندارى تاراتىلادى.
4. اۋەزوۆ اۋدانىندا «تاۋگۇل» مەشىتىنىڭ اسحاناسىندا اقساقالدار مەن اپالارعا ايتتىق داستارحان جايىلادى.
5. الاتاۋ جانە ناۋرىزباي اۋداندارى بالالار ۇيىنە ارنايى بارىپ، بالالارعا ايتتىق بازارلىق تاراتىپ، ايت مەرەكەسىمەن قۇتتىقتاۋ ۇيىمداستىرىلادى.
6. بوستاندىق، تۇركسىب اۋداندارى قارتتار ۇيىنە ارنايى ايتتىق داستارحان جايىپ، مەرەكەلىك شارا ۇيىمداستىرماق.
7. ايەل-قىزدارى سەكتورىنىڭ ۇيىمداستىرۋىمەن الماتى ورتالىق مەشىتىندە قايىرىمدىلىق جارمەڭكەسى وتەدى.