جازدىڭ العاشقى ايىنان الاكول، بالقاش جانە زايسان كۋرورتتى ايماقتارىنا سۇرانىس 5 ەسەگە جۋىق وسكەن. بۇل تۋرالى مادەنيەت جانە سپورت مينيسترلىگى مالىمدەدى، دەپ حابارلايدى، Almaty-akshamy.kz.
اتاپ ايتقاندا، ءۇشارال، بالقاش، زايسان جانە ءۇرجارعا سۇرانىس وسكەن. وسى باعىتتارمەن تۋريستەر قازاقستاننىڭ شىعىسىنداعى كۋرورتتى ايماقتار مەن جاعاجاي دەمالىس ورىندارىنا جەتەدى. ءىرى تۋريستىك اگرەگاتوردىڭ مالىمەتىنشە، كورسەتىلگەن باعىتتار بويىنشا سۇرانىس 5 ەسەگە جۋىق ءوستى.،-دەپ جازدى Zakon.kz.
بۇل ءۇرجار جانە ءۇشارال اۋەجايلارىنىڭ ۇشۋ-قونۋ جولاقتارىن جوندەۋ اياقتالىپ، جۇمىس بۇرىنعى رەجيمدە قايتا باستالعانىمەن بايلانىستى بولىپ وتىر.
جازعى ماۋسىمدا سۇرانىس وسكەن باعىتتاردىڭ ىشىندە اقتوبە مەن تۇركىستان ەرەكشە كوزگە تۇسەدى. بيىل تۋريستەردىڭ ەكى قالاعا دەگەن قىزىعۋشىلىعى 40% ارتقان.
«ىشكى ءتۋريزمدى دامىتۋ شەتەلدىك ساياحاتشىلار سانىن ارتتىرۋ سياقتى ماڭىزدى. مادەنيەت جانە سپورت مينيسترلىگى ىشكى ءتۋريزمدى ىنتالاندىرۋعا ارنالعان ءتۇرلى باعدارلاما ازىرلەپ، ىسكە اسىرىپ جاتىر. مىسالى، Kids go free باعدارلاماسى ەل ىشىندەگى وتباسىلىق دەمالىستى ءتيىمدى جوسپارلاپ، اقشا ۇنەمدەۋگە مۇمكىندىك بەرەدى. وتانداستارىمىز تۋروپەراتورلار ارقىلى تۋريستىك پاكەتتەردى ساتىپ الىپ، 30%-عا دەيىن ۇنەمدەي الادى»،-دەدى مادەنيەت جانە سپورت مينيسترلىگىنىڭ باسپا ءسوز حاتشىسى ءمولدىر ابدۋالييەۆا.
ەلىمىزدىڭ توپ-5 تۋريستىك باعىتىنا استانا، الماتى، شىمكەنت، اقتاۋ جانە اتىراۋ كىرەدى. بەس شاھار ءداستۇرلى تۇردە وسى رەيتينگتە كوش باستاپ تۇر. جازعى ماۋسىمعا قاراي، ولارعا دەگەن قىزىعۋشىلىق ورتا ەسەپپەن 20% وسكەن.