گاز تۇتىنۋ جۇيەلەرى مەن گاز جابدىقتارىن پايدالانۋ كەزىندەگى قاۋىپسىزدىك

الماتى قالاسى كوممۋنالدىق ينفراقۇرىلىمدى دامىتۋ باسقارماسى (بۇدان ءارى - باسقارما) «گاز جانە گازبەن جابدىقتاۋ تۋرالى» قازاقستان رەسپۋبليكاسى زاڭىنىڭ 7-بابىنا سايكەس، تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرى مەن گاز جابدىقتارىن، سونداي-اق الەۋمەتتىك ينفراقۇرىلىم وبەكتىلەرىندەگى تۇرمىستىق باللونداردى ءقاۋىپسىز پايدالانۋ تالاپتارىنىڭ ساقتالۋىنا مەملەكەتتىك باقىلاۋدى جۇزەگە اسىرادى، دەپ حابارلايدى Almaty-akshamy.kz. 

قازاقستان رەسپۋبليكاسى پرەزيدەنتىنىڭ 2019 جىلعى 26 جەلتوقسانداعى № 229 جارلىعىنا سايكەس، ورتالىق مەملەكەتتىك جانە جەرگىلىكتى اتقارۋشى ورگاندار 2020 جىلعى 1 قاڭتاردان باستاپ 2024 جىلعى 1 قاڭتارعا دەيىن شاعىن كاسىپكەرلىك سۋبەكتىلەرىن، ونىڭ ىشىندە ميكرو كاسىپكەرلىك سۋبەكتىلەرىن ارالاي وتىرىپ، تەكسەرۋلەر مەن قاداعالاۋدى توقتاتىلدى.

گاز جانە گازبەن جابدىقتاۋ سالاسىنداعى مەملەكەتتىك باقىلاۋ ق ر كاسىپكەرلىك كودەكسىنە سايكەس جۇرگىزىلەدى.

2023 جىلدىڭ باسىنان باستاپ باسقارما ماماندارى 8 وبەكتىگە جوسپاردان تىس تەكسەرۋلەر جۇرگىزدى، ونىڭ ىشىندە 2 وبەكتىگە ايىپپۇل سالىندى.

سونداي-اق، حالىقتىڭ ءومىرى مەن دەنساۋلىعىنا جاپپاي ءقاۋىپ توندىرەتىن توتەنشە جاعدايلاردىڭ الدىن الۋ ءۇشىن الەۋمەتتىك ينفراقۇرىلىم وبەكتىلەرىندە ءبىر جىل ىشىندە (ءبىرىنشى جانە ەكىنشى جارتىجىلدىقتا) توتەنشە جاعدايلار دەپارتامەنتىمەن، الماتى قالاسى پوليسيا دەپارتامەنتىنىڭ جەرگىلىكتى پوليسيا قىزمەتى باسقارماسىمەن بىرلەسىپ گاز جابدىقتارىن، قازاندىقتاردى، باللونداردى جانە قىسىممەن جۇمىس ىستەيتىن ىدىستاردى ءقاۋىپسىز پايدالانۋ شارالارى بويىنشا ۇگىت-ناسيحات ايلىقتارى وتكىزىلەدى. اتالعان ءىس-شارالار شەڭبەرىندە شىعۋلار ۇيىمداستىرىلادى، ءاقپاراتتىق-تۇسىندىرۋ جۇمىستارى جۇزەگە اسىرىلادى جانە گاز جابدىقتارىن ءقاۋىپسىز پايدالانۋ بويىنشا اقپاراتتىق جادىنامالار بەرىلەدى.

وسىعان بايلانىستى باسقارما زاڭنىڭ 19-بابىنىڭ 1 جانە 3-تارماقتارىنا سايكەس، گاز تۇتىنۋ جۇيەلەرى مەن گاز جابدىقتارىنىڭ يەلەرى ولاردىڭ ءتيىستى تەحنيكالىق جاي-كۇيى مەن قاۋىپسىزدىگىن قامتاماسىز ەتۋگە مىندەتتى ەكەنىن ەسكە سالادى.

كوممۋنالدىق-تۇرمىستىق جانە تۇرمىستىق تۇتىنۋشىلار تاۋارلىق نەمەسە سۇيىتىلعان مۇناي گازىن بەرۋدى جۇزەگە اسىراتىن گاز تاراتۋ ۇيىمىمەن نەمەسە توپتىق رەزەرۆۋارلىق قوندىرعىلاردىڭ يەسىمەن نە قازاقستان رەسپۋبليكاسىنىڭ ونەركاسىپتىك قاۋىپسىزدىك سالاسىنداعى زاڭناماسىنا سايكەس ونەركاسىپتىك قاۋىپسىزدىك سالاسىنداعى جۇمىستاردى جۇرگىزۋ قۇقىعىنا اتتەستاتتالعان، گاز تۇتىنۋ جۇيەلەرىنە تەحنيكالىق قىزمەت كورسەتۋدى جۇزەگە اسىراتىن مامانداندىرىلعان تاۋەلسىز ۇيىممەن وزدەرىنە تيەسىلى گاز تۇتىنۋ جۇيەلەرىنە تەحنيكالىق قىزمەت كورسەتۋگە ارنالعان شارت جاساسۋعا مىندەتتى.

سونداي-اق، تۇرمىستىق جانە كوممۋنالدىق-تۇرمىستىق تۇتىنۋشىلار (پايدالانۋشىلار) «گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىگى جونىندەگى تالاپتى» (ق ر ءىىم 2017 جىلعى 9 قازانداعى № 673 بۇيرىعىمەن بەكىتىلگەن) ساقتاۋى ءتيىس.

سۇيىتىلعان مۇناي گازىمەن باللوندارىن:

1) تۇرعىن ءۇي بولمەلەرى مەن دالىزدەردە؛

2) ىرگەلىك جانە جەرتولە ءۇي-جايلار مەن شاتىرلاردا؛

3) قوعامدىق تاماقتانۋ كاسىپورىندارىنىڭ اسحانالىق جانە ساۋدا زالدارىنىڭ، اۋديتوريالار مەن وقۋ سىنىپتارىنىڭ، عيماراتتاردىڭ كورەرمەن (اكت) زالدارىنىڭ، اۋرۋحانا پالاتالارىنىڭ، باسقا دا وسىعان ۇقساس ءۇي-جايلاردىڭ استىندا جانە ۇستىندە ورنالاسقان ءۇي-جايلاردا؛

4) تابيعي جارىقسىز ءۇي-جايلاردا؛

5) اۆاريالىق شىعاتىن جەرلەردە؛

6) عيماراتتىڭ باستى قاسبەتتەرى جاعىنان؛

7) قاباتى ەكى قاباتتان اساتىن كوپ پاتەرلى تۇرعىن ۇيلەردە ورناتۋعا جول بەرىلمەيدى.

 الماتى قالاسىنىڭ تۇرعىندارىنا ۇسىنامىز:

- قولدانعاننان كەيىن ءاردايىم گاز قۇرىلعىلارىنداعى بارلىق كرانداردى جابىڭىز؛

- جەلدەتۋ تورلارىن قالقالاماڭىز نەمەسە جاپپاڭىز؛

- ءالسىز تارتىمدى ءتۇتىن مۇرجاسىمەن گاز پەشتەرىن جانە گاز كولونكالارىن پايدالانباڭىز؛

- گازداندىرۋ كەزىندە قاۋىپسىزدىك اۆتوماتيكاسىمەن جابدىقتالعان جابدىقتى ورناتىڭىز (ول وتتىقتىڭ جالىنى سونگەن كەزدە جانە تارتقىش بولماعان جاعدايدا گاز بەرۋدى، ءوشىرۋدى قامتاماسىز ەتەدى) جانە گازدىڭ شىعۋ سيگناليزاتورلارىن ورناتىڭىز؛

- گاز جابدىعىن اۋىستىرۋ نەمەسە جوندەۋ كەزىندە ءتيىستى بىلىكتىلىك كۋالىگى بار ادامداردى جۇمىسقا جىبەرىڭىز؛

- اپاتتىق جاعدايدا گاز قۇرىلعىلارىن ءوشىرىڭىز، تەرەزەلەردى اشىڭىز بولمەدە جەلدەتۋ جاساڭىز، جاقىن جەردە ەشكىم وت پەن ەلەكتر جارىعىن پايدالانباۋىن قاداعالاڭىز (تەمەكى شەگۋگە، اجىراتقىشتاردى جانە كەز-كەلگەن تۇرمىستىق تەحنيكانى قولدانۋعا تىيىم سالىنادى).

 گاز جابدىقتارىن پايدالانۋ اسا جوعارى نازار اۋدارۋدى قاجەت ەتەدى!

         ەگەر گازدىڭ ءيىسى پايدا بولسا، گاز بەرۋدى دەرەۋ توقتاتىڭىز، بولمەنى جەلدەتىپ، «104» نەمەسە 109 تەلەفونى بويىنشا گازدىڭ اپاتتىق-ديسپەچەرلىك قىزمەتىنە قوڭىراۋ شالىڭىز.

         سونداي-اق، ۇىگج-عا تەحنيكالىق قىزمەت كورسەتۋ بويىنشا سەرۆيستىك كومپانياعا قاتىستى باسقارۋ ورگانىنا (پيك، پيتك، ميب، جك، تك جانە ت.ب.) جۇگىنۋگە نەمەسە تۇبىرتەكتەردە كورسەتىلگەن بايلانىس نومىرلەرى بويىنشا ناقتىلاۋعا بولادى.

گازبەن جابدىقتاۋ جۇيەلەرى مەن گاز جابدىقتارى وبەكتىلەرىنىڭ قاۋىپسىزدىك تالاپتارىن بۇزۋ ماسەلەلەرى بويىنشا باسقارماعا دوستىق داڭعىلى، 85، مەكەنجايى بويىنشا جازباشا حابارلاسا الاسىز،
تەل. 225-14-19.