بۇل تۋرالى الماتى قالاسى بويىنشا مەملەكەتتىك كىرىستەر دەپارتامەنتى زاڭ باسقارماسىنىڭ باسشىسى ابىلاي مەكەبايەۆ وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى Almaty-akshamy.kz.
دەپارتامەنتتىڭ دەرەكتەرى بويىنشا جىل باسىنان بەرى الماتى بويىنشا 14 260 اكىمشىلىك ماتەريال جاسالدى، ونىڭ ىشىندە 2570 حابارلاما بولسا، قالعانى اكىمشىلىك حاتتامالار مەن قاۋلىلار. بۇل رەتتە سالىق سالۋ سالاسىنداعى ءجيى ورىن الاتىن قۇقىق بۇزۋشىلىقتار اكىمشىلىك قۇقىق بۇزۋشىلىق تۋرالى كودەكستىڭ باپتارى بويىنشا جاسالادى:
- 272-باپ بويىنشا مەرزىمدە سالىق ەسەپتىلىگىن ۇسىنباۋ؛
- زەينەتاقىمەن قامسىزداندىرۋ، مىندەتتى الەۋمەتتىك ساقتاندىرۋ، مىندەتتى الەۋمەتتىك مەديسينالىق ساقتاندىرۋ سالاسىنداعى بۇزۋشىلىق (اتاپ ايتقاندا، تولەۋشىنىڭ اۋدارىم جانە (نەمەسە) جارنالار بويىنشا مىندەتتەردى ورىنداماۋى نە تيىسىنشە ورىنداماۋى) 91،92،92-1-باپ؛
- سالىقتاردىڭ جانە بيۋدجەتكە تولەنەتىن باسقا دا مىندەتتى تولەمدەردىڭ سومالارىن تومەندەتۋ) 278-باپ بويىنشا تەكسەرۋ ناتيجەلەرى بويىنشا انىقتالادى؛
- 275-باپ بويىنشا سالىق ەسەپتىلىگىندە كورسەتىلۋگە جاتاتىن سالىق سالۋ وبەكتىلەرىن جانە وزگە دە مۇلىكتى جاسىرۋ؛
- 269-باپ بويىنشا مەملەكەتتىك كىرىستەر ورگانىندا تىركەۋ ەسەبىنە قويۋ مەرزىمىن بۇزۋ.
«اكىمشىلىك ايىپپۇلداردىڭ كوپشىلىگى تولەنبەيدى، تەكسەرۋ ناتيجەلەرى بويىنشا تۋىنداعان ايىپپۇلدار تولەنبەي قالادى. سونداي-اق، الەۋمەتتىك تولەمدەر بويىنشا، اكىمشىلىك قۇقىق بۇزۋشىلىق تۋرالى كودەكستىڭ 278-بابى بويىنشا.سونداي-اق 91-92-92-1 باپتارى بويىنشا، بۇل ايىپپۇلداردىڭ ساناتتارى، ولارعا ءىشىنارا 275 باپ قوسىلادى، ياعني، سالىق سالۋ وبەكتىلەرىن جاسىرۋ. بۇل - تولەمدەر بويىنشا پروبلەمالار ءجيى كەزدەسەتىن باپتار. ءوندىرىپ الۋ شارالارىن مەملەكەتتىك كىرىستەر ورگانى اتقارۋشىلىق ءىس جۇرگىزۋ ورگاندارىنا جۇگىنبەي - اق جۇرگىزەدى»، - دەدى ا.مەكەبايەۆ.
اكىمشىلىك قۇقىق بۇزۋشىلىق تۋرالى ءىستى قوزعاۋعا سەبەپ بولاتىن جايتتار (802-باپ):
- ۋاكىلەتتى لاۋازىمدى ادامنىڭ وسى باپتىڭ ءۇشىنشى بولىگىنىڭ ەرەجەلەرىن ەسكەرە وتىرىپ، اكىمشىلىك قۇقىق بۇزۋشىلىق جاساۋ فاكتىسىن تىكەلەي انىقتاۋى؛
- قۇقىق قورعاۋ ورگاندارىنان، سونداي-اق باسقا دا مەملەكەتتىك ورگانداردان، جەرگىلىكتى ءوزىن-وزى باسقارۋ ورگاندارىنان كەلىپ تۇسكەن ماتەريالدار؛
- جەكە جانە زاڭدى تۇلعالاردىڭ حابارلامالارى نەمەسە وتىنىشتەرى، سونداي-اق بۇقارالىق اقپارات قۇرالدارىنداعى حابارلامالار؛
- ارنايى اۆتوماتتاندىرىلعان ولشەۋ قۇرالدارىنىڭ، سونداي-اق سەرتيفيكاتتالعان ارنايى باقىلاۋ-ولشەۋ تەحنيكالىق قۇرالدارى مەن بايقاۋ اسپاپتارىنىڭ، ونىڭ ىشىندە اۆتوماتتى رەجيمدە جۇمىس ىستەيتىندەردىڭ جانە اۆتوموبيل كولىگى جانە جول ءجۇرىسى قاۋىپسىزدىگى سالاسىندا جول جاعدايىن فوتو - بەينەتۇسىرىلىم، كولىك قۇرالىنىڭ قوزعالىس جىلدامدىعى مەن باعىتىن، جولدىڭ باسقا قاتىسۋشىلارىنىڭ ءىس-قيمىلدارىن ايقىنداۋ ارقىلى اكىمشىلىك قۇقىق بۇزۋشىلىقتىڭ جاسالۋىن تىركەيتىن كورسەتكىشتەرى قوزعالىس؛
-باقىلاۋ-ولشەۋ اپپاراتۋراسىنىڭ جانە (نەمەسە) راديوتەحنيكالىق باقىلاۋ قۇرالدارىنىڭ كورسەتكىشتەرى.
اكىمشىلىك قۇقىق بۇزۋشىلىق تۋرالى حاتتامانى وعان ۋاكىلەتتىك بەرىلگەن لاۋازىمدى ادام جازباشا تۇردە جاسايدى. جازباشا ۇلگىسىمەن قاتار، اكىمشىلىك قۇقىق بۇزۋشىلىق تۋرالى حاتتامانىڭ ەلەكتروندىق نىسانى دا پايدالانىلۋى مۇمكىن.
«اكىمشىلىك قۇقىق بۇزۋشىلىق تۋرالى ءىستى قاراۋ كەزىندە جاۋاپقا تارتىلاتىن ادامنىڭ قورعاۋشىسى بولۋعا قۇقىلى، ال قورعاۋشى – زاڭدا بەلگىلەنگەن تارتىپپەن اكىمشىلىك جاۋاپتىلىققا تارتىلاتىن ادامنىڭ قۇقىقتارى مەن مۇددەلەرىن قورعاۋدى جۇزەگە اسىراتىن جانە وعان زاڭ كومەگىن كورسەتەتىن ادام.
ادۆوكاتتار قورعاۋشى رەتىندە قاتىسادى»، - دەدى سپيكەر.
ادۆوكاتتارمەن قاتار قورعاۋشى رەتىندە جۇبايى / زايىبى، جاقىن تۋىستارى نەمەسە اكىمشىلىك جاۋاپكەرشىلىككە تارتىلاتىن ادامنىڭ زاڭدى وكىلدەرى جىبەرىلەدى. ەگەر بۇل قازاقستان رەسپۋبليكاسىنىڭ ءتيىستى مەملەكەتپەن حالىقارالىق شارتىندا زاڭنامادا ايقىندالاتىن تارتىپپەن ءوزارا نەگىزدە كوزدەلسە، شەتەلدىك ادۆوكاتتار ىسكە قورعاۋشى رەتىندە قاتىسۋعا رۇقسات بەرىلەدى.