قىدىرعالي بايبەككە ەكى ءىس بويىنشا ايىپ تاعىلدى.
ەكس-شەنەۋنىكتىڭ اكەسى ق ر اقبتك-نىڭ 319-بابى بويىنشا ايىپتالعان، دەپ حابارلايدى Almaty-akshamy.kz
ءبىرى زاڭسىز قۇرىلىسقا قاتىستى بولسا، ەكىنشى رۇقساتسىز كاسىپكەرلىك توڭىرەگىندە.
استانانىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىندا الماتى قالاسىنىڭ ەكس-اكىمى باۋىرجان بايبەكتىڭ اكەسى قىدىرعالي بايبەككە قاتىستى ەكى بىردەي ءىس قاراستىرىلىپ جاتىر.
قىدىرعالي بايبەك ق ر اقبتك-نىڭ 319-بابى بويىنشا ايىپتالعان. بۇل باپ بويىنشا ءتيىستى جەر قۇقىعىنسىز وندىرىستىك، تۇرعىن ءۇي، شارۋاشىلىق، گيدروتەحنيكالىق (سۋ شارۋاشىلىعى) نەمەسە تۇرمىستىق وبەكتىلەردى زاڭسىز سالعاندار جاۋاپقا تارتىلادى.
وسى اپتادا، بەيسەنبىدە، قىدىرعالي بايبەك اتالمىش سوتتا تاعى ءبىر ءىستىڭ قارالۋىن كۇتۋدە. ول 29 ماۋسىمدا وندىرىسكە قابىلداندى. بىرىنشىسىنەن ايىرماشىلىعى، سوت پروسەسى ونىڭ جەكە قاتىسۋىمەن ءوتۋى ءتيىس.
"اقبتك-نىڭ 463-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىق جاساۋدا بايبەك قىدىرعالي مۇقامەتامىرۇلىنا قاتىستى اكىمشىلىك قۇقىق بۇزۋشىلىق تۋرالى ءىس جۇرگىزۋگە قابىلدانسىن. ءىستى قاراۋ ءۇشىن اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدىڭ بارلىق قاتىسۋشىلارىن سوتقا شاقىرۋ كەرەك"، - دەلىنگەن سوت ۇيعارىمىندا.
بۇل باپ بويىنشا كاسىپكەرلىك نەمەسە وزگە دە قىزمەتپەن اينالىسۋعا، سونداي-اق تىركەۋسىز، رۇقساتسىز ارەكەتتەردى (وپەراسيالاردى) جۇزەگە اسىرۋعا، سول سياقتى، ەگەر بۇل ارەكەتتەردە قىلمىستىق جازالاناتىن ىس-ارەكەت بەلگىلەرى بولماسا، حابارلامانى تىركەۋ، رۇقسات بەرۋ، جىبەرۋ مىندەتتى بولعان جاعدايلاردا حابارلامانى جىبەرمەگەندەر جاۋاپقا تارتىلادى.