ساۋد ارابياسى ءوز توبىندا ءۇش ۇپايمەن كوش باستادى
ارگەنتينانى جەڭۋ قۇرمەتىنە ساۋد ارابياسىندا سارسەنبى دەمالىس كۇنى بولىپ جاريالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ساۋد ارابياسىنىڭ كورولى سالمان بەن ابدەل ازيز ال ساۋد قاتاردا فۋتبولدان ءوتىپ جاتقان الەم چەمپيوناتىندا ۇلتتىق قۇرامانىڭ ارگەنتينانى جەڭگەنىن تۇرعىنداردىڭ اتاپ ءوتۋى ءۇشىن سارسەنبىنى دەمالىس دەپ جاريالاۋ تۋرالى شەشىم قابىلدادى.
ساۋد ارابياسى س توبىنداعى العاشقى ماچىندا ليونەل مەسسي باستاعان ارگەنتينانى كۇتپەگەن جەردەن 2:1 ەسەبىمەن ۇتىپ كەتكەن بولاتىن. ال وسى توپتاعا مەكسيكا مەن پولشا قۇرامالارى 0:0 ەسەبىمەن تەڭ تارقاستى.
وسىلايشا، ساۋد ارابياسى ءوز توبىندا ءۇش ۇپايمەن كوش باستادى. ولار 26 قاراشا كۇنى پولشامەن، 30-ىندا مەكسيكامەن جاسىل الاڭعا شىعادى.
دانيا مەن تۋنيس قۇرامالارى تەڭ تارقاستى.