بەنزين ساقتايتىن رەزەرۆۋارعا سۋ اققان
الماتىداعى جانارماي قۇيۋ ستانسياسىنىڭ بىرىندە كولىكتەرگە سۋ ارالاس بەنزين قۇيىلعانى تۋرالى وقيعا تەرگەلىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
وقيعانىڭ ۆيدەوسى الەۋمەتتىك جەلىدە تارادى.
اتالعان ماسەلە بويىنشا الماتى قالاسىنىڭ كاسىپكەرلىك جانە ينۆەستيسيالار باسقارماسى جاۋاپ بەردى.
ۆەدومستۆو مالىمەتىنشە، كەشەگى جاڭبىردان سوڭ «گازپرومنەفت» اۆتوجانارماي قۇيۋ ستانسياسىنىڭ بەنزين ساقتايتىن رەزەرۆۋارىنا سۋ اققان. بۇدان كەيىن شامامەن 10 اۆتوكولىككە سۋ قوسىلعان بەنزين قۇيىلعان.
«قازىرگى ۋاقىتتا سۋ قوسىلعان بەنزين قۇيىلعان 7 اۆتوكولىك يەسى مەن ۆيدەو اۆتورىنىڭ زالالى وتەلدى. سونىمەن قاتار جانارماي قۇيۋ ستانسياسىن پايدالانۋ ءبولىمى اتالعان وقيعاعا تەكسەرىس جۇرگىزۋدە»، - دەدى قالالىق كاسىپكەرلىك جانە ينۆەستيسيالار باسقارماسى.