فرانسيا پرەزيدەنتى ەممانۋەل ماكرون 2027 جىلى وكىلەتتىك مەرزىمى اياقتالعانعا دەيىن 15–16 جاسقا دەيىنگى بالالار مەن جاسوسپىرىمدەرگە الەۋمەتتىك جەلىلەردى قولدانۋعا تىيىم سالۋدى جوسپارلاپ وتىرعانىن مالىمدەدى، دەپ حابارلايدى aqshamnews.kz
پرەزيدەنتتىڭ ايتۋىنشا، بارلىق الەۋمەتتىك جەلىدە جاس تەكسەرۋ جۇيەسى ەنگىزىلەدى جانە بەلگىلەنگەن جاس شەگىنەن كىشى تۇلعالارعا پلاتفورمالارعا كىرۋگە تىيىم سالىنادى.
- ءبىز بارلىق الەۋمەتتىك جەلىدە جاس تەكسەرۋدى جۇيەسىن ەنگىزەمىز جانە ونى 15–16 جاس دەڭگەيىندە بەلگىلەيمىز. بۇل جاستان كىشى ادامدارعا الەۋمەتتىك جەلىلەرگە كىرۋگە رۇقسات بەرىلمەيدى… وسى (ءتيىستى زاڭ جوباسى – رەد.) بويىنشا داۋىس بەرۋ وسى مەرزىم اياقتالعانعا دەيىن وتەتىنىنە مەن تولىق سەنىمدىمىن، – دەپ جازدى Figaro پرەزيدەنتتىڭ ءسوزىن كەلتىرىپ.
ماكرون سونداي-اق بۇل زاڭ جوباسىنىڭ ءوزىنىڭ وكىلەتتىك مەرزىمى اياقتالعانعا دەيىن قابىلداناتىنىنا سەنىم ءبىلدىردى. ونىڭ ايتۋىنشا، ۇكىمەت اتالعان زاڭ جوباسىن 2026 جىلدىڭ باسىندا ۇسىنىپ، ونى تەز ارادا قابىلداتۋعا كۇش سالماق. بۇعان دەيىن ول ەگەر ەۋروپالىق وداق مۇنداي شەشىم قابىلداماسا، 15 جاسقا دەيىنگى جاسوسپىرىمدەر ءۇشىن بۇل تىيىمدى ءوزى ەنگىزەتىنىن ايتقان بولاتىن.