جەلىدە 10 جاستاعى ىقىلاستىڭ سۇيىكتى "قايرات" كلۋبىنىڭ فورماسىن قارا جەيدە مەن سكوچ ارقىلى ءوزى جاساپ جاتقان ۆيدەوسى تارادى. تۇركىستاندىق بالاقايدىڭ جانكۇيەرلىگىنە بۇكىل ەل ءتانتى بولدى. ىقىلاستىڭ اناسى باقىتگۇل aqshamnews.kz تىلشىسىنە ەكسكليۋزيۆ سۇحبات بەردى.
"فورما اپەرىڭدەر" دەپ سۇرامادى"
ىقىلاس – 5-سىنىپ وقۋشىسى. ول تاريحي ماچ الدىندا اتا-اناسىنان فورما سۇراماي-اق، سۇيىكتى كومانداسى "قايراتتىڭ" جەيدەسىن قولدان جاساپ شىقتى. اناسى باقىتگۇلدىڭ ايتۋىنشا، ۇلى دۇكەنگە بارىپ سارى ءتۇستى سكوچ ساتىپ الىپ، قارا فۋتبولكاعا ءوز قولىمەن جاپسىرعان.
"بالام بىزدەن "جەيدە اپەرىڭدەر" دەپ سۇرامادى. ءوزى ويلاپ تاۋىپ، جاساپ شىقتى. بىزگە دە توسىنسىي بولدى"، – دەيدى ول.
فۋتبولعا دەگەن وتباسىلىق ماحاببات
ىقىلاستىڭ اۋلەتىندە فۋتبولعا دەگەن ماحاببات ەرەكشە. اكەسى دە، اعايىندارى دا كەزىندە سپورتپەن اينالىسقان. ال بالانىڭ كۋميرى – داستان ساتپايەۆ.
"ۇلىم بالا كەزدەن فۋتبولعا اۋەس. داستان ساتپايەۆتىڭ ءار قيمىلىنا ءمان بەرەدى، ونىڭ جانكۇيەرى"، – دەيدى اناسى.
ارماندارعا اپارار جول
قاراپايىم سكوچتان جاسالعان فورما – ۇلكەن ارماننىڭ باستاۋى. كىشكەنتاي جانكۇيەردىڭ ەڭبەگى بۇكىل ەلدىڭ نازارىن اۋدارىپ، كوپتىڭ جۇرەگىن جىلىتتى.