3 شىلدەدە قازاقستاندىق لوۋكوستەر FlyArystan حالىقارالىق جاڭا باعىت – الماتىدان "ىستىقكول" حالىقارالىق اۋەجايىنا (تامشى). بۇل باعىتتىڭ اشىلۋىمەن جولاۋشىلاردىڭ ورتالىق ازياداعى ەڭ تانىمال كۋرورتتاردىڭ بىرىنە – بار بولعانى ءبىر ساعات ۇشۋمەن – تەز ءارى قولجەتىمدى تۇردە جەتۋ مۇمكىندىگى پايدا بولدى.
رەيستەر 2025 جىلعى 31 تامىزعا دەيىن اپتاسىنا ەكى رەت – بەيسەنبى جانە جەكسەنبى كۇندەرى ورىندالادى. بەيسەنبى كۇندەرى الماتىدان ۇشۋ ۋاقىتى – 15:05، تامشىعا قونۋ ۋاقىتى – 17:00. كەرى رەيس 18:00-دە ۇشىپ، الماتىعا 18:00-دە قونادى. جەكسەنبى كۇندەرى رەيس الماتىدان 13:15-تە ۇشىپ، تامشىعا 15:10-دا جەتەدى. قايتار رەيس 16:10-دا ۇشىپ، الماتىعا 16:10-دا كەلىپ قونادى.
"جاڭا باعىت FlyArystan-نىڭ حالىقارالىق مارشرۋتتار جەلىسىن بەلسەندى تۇردە كەڭەيتۋىنىڭ ءبىر بولىگى بولىپ وتىر. شىلدە ايىندا اۋەكومپانيامىز اتىراۋ – تاشكەنت تىكەلەي رەيسىن دە ىسكە قوسادى، ونىڭ العاشقى ۇشۋى 15 شىلدەگە جوسپارلانعان. ۇشۋ گەوگرافياسىنىڭ كەڭەيۋى FlyArystan ستراتەگياسىنىڭ وڭىرلەر اراسىنداعى بايلانىستى نىعايتۋ جانە ورتالىق ازياداعى تۋريستىك ءارى ىسكەرلىك اعىندى ارتتىرۋعا باعىتتالعانىنىڭ ايقىن دالەلى. ءبىز جولاۋشىلار تاراپىنان جاڭا باعىتتارعا دەگەن قىزىعۋشىلىقتىڭ ارتىپ جاتقانىن كورىپ وتىرمىز جانە بۇل سۇرانىسقا ساي حالىقارالىق باعىتتار جەلىسىن ودان ءارى دامىتۋدى جالعاستىرامىز"، - دەدى "FlyArystan" اق پرەزيدەنتى ريچارد لەدجەر.
ءبىر باعىتقا ۇشۋ قۇنى "كومفورت" ءتاريفى بويىنشا 23 317 تەڭگەدەن باستالادى (2025 جىلعى 3 شىلدەدەگى باعا). باعاعا ورىن تاڭداۋ، 20 كگ-عا دەيىنگى تىركەلگەن جولجۇك جانە ولشەمى 56×23×36 سم-دەن اسپايتىن 5 كگ-عا دەيىنگى قولجۇگى كىرەدى. بيلەتتەردى FlyArystan ءموبيلدى قوسىمشاسى، www.flyarystan.com رەسمي سايتى جانە تۋريستىك اگەنتتىكتەر ارقىلى ساتىپ الۋعا بولادى.
انىقتاما: FlyArystan – Air Astana توبىنىڭ 100% ەنشىلەس كومپانياسى بولىپ تابىلاتىن قازاقستاندىق لوۋكوستەر. ول ءوز قىزمەتىن 2019 جىلدىڭ مامىر ايىندا باستادى. 2025 جىلدىڭ قاڭتار ايىنان باستاپ FlyArystan ءوز سەرتيفيكاتىمەن، FS كودى بويىنشا تاۋەلسىز اۋەكومپانيا رەتىندە قىزمەت كورسەتۋدە. اۋەكومپانيا الماتى، استانا جانە اقتاۋ قالالارىندا ورنالاسقان بازالارىنداعى زاماناۋي A320 ۇشاقتارىنان قۇرالعان اۋە پاركىمەن كەڭ اۋقىمدى مارشرۋتتار جەلىسى بويىنشا رەيستەر ورىندايدى. FlyArystan مارشرۋتتار جەلىسى ىشكى جانە حالىقارالىق رەيستەردى، سونداي-اق چارتەرلىك باعىتتاردى قامتيدى. FlyArystan 2023، 2024 جانە 2025 جىلدارى ءۇش رەت Skytrax World Airline Awards تاراپىنان ورتالىق ازيا جانە تمد-نىڭ ەڭ ۇزدىك بيۋدجەتتىك اۋەكومپانياسى دەپ تانىلدى.