الاكول جاعالاۋىندا قاۋىپسىزدىك، ينفراقۇرىلىم مەن تۋريزم قاتار دامىپ كەلەدى

كەيىنگى ءۇش جىلدا الاكولگە 4،8 ميلليون تۋريست كەلگەن، - دەپ حابارلايدى aqshamnews.kz ءتىلشىسى. 

اۋدان اكىمدىگىنىڭ مالىمەتى بويىنشا، بيىل 51 جۇمىس ورنى اشىلىپ، 17 تۋريستىك نىسان ىسكە قوسىلعان. ناتيجەسىندە 2،4 ملرد تەڭگە ينۆەستيسيا تارتىلدى. سونىمەن قاتار، 500 ورىندىق 3 ءىرى تۋريستىك نىساننىڭ قۇرىلىسى جۇرگىزىلىپ جاتىر. 

تۋريزممەن قاتار قاۋىپسىزدىك پەن ينفراقۇرىلىم دا كۇشەيتىلدى: جاعالاۋدا بەينەباقىلاۋ كامەرالارى مەن دروندار كومەگىمەن قوعامدىق ءتارتىپ پەن سۋداعى قاۋىپسىزدىك قاداعالانىپ جاتىر.

تىيىم سالىنعان ايماقتاردا ءجۇزىپ جۇرگەن سۋ كولىكتەرىنە ايىپپۇل سالىنىپ، ينسپەكتورلار سانى ارتتى. سونىمەن قاتار، جاعالاۋعا جەدەل جاردەم، ءدارىحانا، 22 سانيتارلىق-گيگيەنالىق توراپ، 180 قوقىس كونتەينەرى جانە جاڭا مەديسينالىق پۋنكتتەر قويىلدى. 

ەلەكتر تاپشىلىعىن جويۋ ءۇشىن "اقشي" قوسالقى ستانسياسى ىسكە قوسىلىپ، 56 شاقىرىم جوعارى كەرنەۋلى جەلى تارتىلدى. بۇل - بولاشاقتاعى جۇكتەمەلەردى دە ەسكەرەتىن ۇزاقمەرزىمدى شەشىم.

ال اقشي اۋىلىندا كارىز جۇيەسى مەن تازارتۋ قۇرىلعىسى سالىنىپ جاتىر. بايلانىستى جاقسارتۋ ءۇشىن 16 بازالىق ستانسيا جۇمىس ىستەپ، وپتيكالىق ينتەرنەت جەلىسى تارتىلعان.

جەتىسۋ وبلىسى الاكول اۋدانىن تۋريزم، كولىك-لوگيستيكا، الەۋمەتتىك ينفراقۇرىلىم باعىتىندا كەشەندى تۇردە دامىتىپ كەلەدى.