جەتىسۋ اۋدانىنىڭ "گۇلدەر" ساياباعىندا اۋدان اكىمدىگىنىڭ ۇيىمداستىرۋىمەن ساۋداگەرلەر مەن فەرمەرلەردى ءبىر الاڭدا توعىستىرعان ماۋسىمدىق جارمەڭكە اشىلدى.
اۋدان تۇرعىندارى اۋدانداعى العاشقى جارمەڭكەنىڭ اشىلۋىنا ءدان ريزا. دەمالىس سايىن وسىنداي جارمەڭكە ۇيىمداستىرىلىپ، ازىق-تۇلىك باعالارى وسى دەڭگەيدە بولسا دەپ تىلەك ايتۋدا.
"الماتى" الەۋمەتتىك كاسىپكەرلىك كورپوراسياسى مەگوپوليستەگى جارمەڭكەلەرگە جەرگىلىكتى فەرمەرلەردڭ ونىمدەرىن قولجەتىمدى باعادا جەتكىزۋىنە جاعداي جاساۋدا.
الىپ شاھاردىڭ بارلىق اۋداندارىندا جارمەڭكە ماۋسىمى باستالىپ جاتىر.
قالا حالقى ءوز اۋداندارىندا قول جەتىمدى باعالاردا ازىق-تۇلىك الا الادى.
مۇنداي جارمەڭكەنىڭ باستى ماقساتى – قالا تۇرعىندارىن قولجەتىمدى باعامەن، جاڭا ونىممەن قامتىپ قانا قويماي، ءارتۇرلى ساناتتاعى كاسىپكەرلەر ءۇشىن تەڭ مۇمكىندىك قالىپتاستىرۋ. الەۋمەتتىك ماڭىزى بار ازىق-تۇلىك تاۋارلارى مۇندا بازارداعى باعادان شامامەن 15%-عا ارزان. سونىمەن بىرگە ءونىم ساپاسىنا قاتاڭ تالاپ قويىلىپ، سانيتارلىق نورمالار تولىق ساقتالادى.
ءبىز كوشە ساۋداسىمەن زاڭسىز اينالىسىپ جۇرگەندەردى اشىق الاڭعا، قۇقىقتىق ورىسكە شاقىرامىز. ولار ءتيىستى كەڭەس الىپ، مارتەبەسىن زاڭداستىرىپ، ءقاۋىپسىز ءارى جايلى جاعدايدا ەڭبەك ەتسە دەيمىز. مۇنداي ينتەگراسيا، ءبىر جاعىنان، تۇرعىندارعا ساپالى ءونىمدى ارزانىراق الۋعا جول اشسا، ەكىنشى جاعىنان، كاسىپكەرلەردىڭ ادال ءارى اشىق دامۋىنا مۇمكىندىك بەرەدى، – دەدى جەتىسۋ اۋداندىق اكىمدىگى ونەركاسىپ جانە ساۋدانى دامىتۋ ءبولىمىنىڭ باسشىسى سامال نۇرجانوۆا.