گەرمانيادا ءوتىپ جاتقان فۋتبولدان ەۋروپا چەمپيوناتىندا پلەي-وففقا شىققان العاشقى كوماندا بەلگىلى. الاڭ يەلەرى كەشەگى ويىندا ۆەنگريانى 2:0 ەسەبىمەن ۇتىپ، دودانىڭ كەلەسى ساتىسىنا جولداما الدى، دەپ حابارلايدى اlmaty-akshamy.kz.
«ۆ» توبىندا جاعداي شيەلەنىستى. ازىرگە يسپانيا مەن يتاليادا ءۇش ۇپايدان بولسا، حورۆاتيا مەن البانيادا ءبىر-بىر ۇپاي. ويتكەنى حورۆاتيا قۇراماسى البانيامەن تەڭ وينادى. ەسەپ 2:2. لۋكا مودريچ باستاعان جىگىتتەر ءۇشىنشى تۋردا يتاليا قۇراماسىمەن كەزدەسەدى. «ا» توبىنداعى شوتلانديا مەن شۆەيساريانىڭ كەزدەسۋى دە تەڭ ەسەپپەن اياقتالدى. شوتلانديا قۇراماسىنىڭ كوشباسشىسى سكوت ماكتومينەي ماچتىڭ 13ء-شى مينۋتىندا جىلدام گول سوعىپ، كومانداسىن ەسەپتە العا شىعاردى. ال ويىننىڭ 26-شى مينۋتىندا شوتلانديا قورعاۋشىلارىنىڭ قاتەلىگىن دجەردان شاكيري ۇتىمدى پايدالانىپ، تارازى باسىن تەڭەستىردى. دەمەك، ءتورت قۇرامانىڭ دا پلەي-وفف كەزەڭىنە وتۋگە ازىرگە مۇمكىندىگى بار.
يوسيف نيتريتيچ، حورۆاتيا جانكۇيەرى:
95ء-شى مينۋتتا گول كىرگىزىپ العانىمىز وكىنىشتى. ەندى كەلەسى كەزەڭگە ءوتۋىمىز ەكى تالاي-اۋ. سەبەبى ول ءۇشىن يتاليا قۇراماسىن جەڭۋ كەرەك. ءبىزدىڭ فۋتبولشىلار ءۇشىن وتە قيىن سىناق بولعالى تۇر.