ەۋروپالىق حيميالىق اگەنتتىك (ECHA) ەتانولدى قاتەرلى ىسىك تۋدىرۋى مۇمكىن زاتتار قاتارىنا قوسۋ مۇمكىندىگىن قاراستىرىپ جاتىر، - دەپ حابارلايدى Aqshamnews.kz.
بۇل شەشىم قابىلدانسا، ەتيل ءسپيرتىن مەديسينالىق مەكەمەلەردە پايدالانۋ شەكتەلۋى ىقتيمال. بۇل تۋرالى Financial Times گازەتى مالىمدەگەن.
باسىلىمنىڭ مالىمەتىنشە، 10 قازاندا اگەنتتىكتتڭ جۇمىس توبى ىشكى ۇسىنىم جاريالاعان. وندا ەتيل ءسپيرتى جۇكتىلىك كەزىندە اسقىنۋلار مەن قاتەرلى ىسىك ءقاۋپىن ارتتىراتىن ۋلى زات رەتىندە كورسەتىلگەن.
ECHA-نىڭ ءبيوسيدتى زاتتاردى زەرتتەۋ جونىندەگى كوميتەتى 24-27 قاراشا ارالىعىندا وتىرىس وتكىزىپ، ەتانولدى ادام دەنساۋلىعىنا ءقاۋىپتى زات رەتىندە رەسمي تۇردە جىكتەۋ ماسەلەسىن تالقىلايدى. كەيىن بۇل ۇسىنىس ەۋروپالىق كوميسسيانىڭ قاراۋىنا جىبەرىلەدى، ول سوڭعى شەشىمدى قابىلدايدى.
Financial Times اتاپ وتكەندەي، سپيرت نەگىزىندەگى دەزينفەكسيالاۋشى قۇرالدار بۇگىندە ەۋرووداقتا ءقاۋىپسىز دەپ تانىلعان جانە 1990-جىلداردان بەرى دۇنيەجۇزىلىك دەنساۋلىق ساقتاۋ ۇيىمىنىڭ نەگىزگى دارىلىك زاتتار تىزىمىنە ەنگىزىلگەن.