اتىراۋدا پوليسەيلەر جاسوسپىرىمدەردىڭ اتا-انالارىمەن كەزدەستى، - دەپ حابارلايدى aqshamnews.kz
اتىراۋ وبلىسى پد ەسىرتكى قىلمىسىنا قارسى ءىس-قيمىل باسقارماسى جانە جەرگىلىكتى پوليسيا قىزمەتى ءبولىمى قالا پروكۋراتۋراسىمەن بىرلەسىپ، "زاڭ جانە ءتارتىپ" قاعيداسى اياسىندا ستۋدەنتتەر مەن وقۋشىلاردىڭ اتا-انالارىمەن اۋقىمدى كەزدەسۋ وتكىزدى.
بۇل شارانىڭ ماقساتى – جاسوسپىرىمدەر اراسىندا زاڭ بۇزۋشىلىقتىڭ الدىن الۋ جانە ەسىرتكىنىڭ ءقاۋىپتى سالدارىن ءتۇسىندىرۋ. شارا بارىسىندا ءتارتىپ ساقشىلارى جاسوسپىرىمدەر اراسىندا ورىن الاتىن قۇقىق بۇزۋشىلىق ماسەلەسىن تالقىلادى. سونىمەن قاتار قازىرگى تاڭدا قوعام دەرتىنە اينالعان ناشاقورلىقتىڭ جاستار ومىرىنە تيگىزەتىن كەرى اسەرى، ونىڭ دەنساۋلىققا، پسيحولوگيالىق جاعدايعا جانە بولاشاققا تيگىزەر زيانى جونىندە جان-جاقتى اقپارات بەرىلدى.
ءتارتىپ ساقشىلارى ەسىرتكىگە تاۋەلدىلىككە اكەلەتىن فاكتورلاردى اتاپ، ودان ساقتانۋدىڭ جولدارىن ءتۇسىندىردى. ءىس-شاراعا قاتىسقان ستۋدەنتتەر مەن اتا-انالار قۇقىق قورعاۋ ورگاندارى قىزمەتكەرلەرىنە وزدەرىن تولعاندىراتىن سۇراقتارىن قويىپ، ناقتى جاۋاپتار الدى.
شارا سوڭىندا پوليسەيلەر جاسوسپىرىمدەر اراسىندا ەسىرتكى ساۋداسىن جۇرگىزەتىن تۇلعالاردان ساق بولۋ كەرەكتىگىن جانە الەۋمەتتىك جەلىلەر ارقىلى تارالاتىن جاسىرىن ەسىرتكى جارنامالارىنىڭ ءقاۋپىن ەرەكشە اتاپ ءوتتى.