قازاقستان ىشكى ىستەر مينيسترلىگىنىڭ ينتەرپول ۇلتتىق ورتالىق بيۋروسىنىڭ سۇراۋى بويىنشا چەرنوگوريانىڭ بار قالاسىندا حالىقارالىق ىزدەۋدە جۇرگەن ەكى كۇدىكتى ۇستالدى، - دەپ حابارلايدى اqshamnews.kz ءتىلشىسى Polisia.kz-كە سىلتەمە جاساپ.
قاسكويلەر:
- ەسىرتكى جانە پسيحوتروپتىق زاتتاردى ساتۋ؛
- ولاردى تۇتىنۋعا يتەرمەلەۋ؛
- ۇيىمداسقان قىلمىستىق توپتىڭ قۇرامىندا بولۋ؛
- لاۋازىمدى تۇلعاعا پارا بەرۋ سىندى ارەكەتتەرگە باردى دەپ كۇدىككە ىلىنگەن.
2024 جىلدىڭ باسىندا كۇدىكتىلەر Telegram مەسسەندجەرى ارقىلى ينتەرنەت-دۇكەن اشىپ، ەسىرتكى جانە پسيحوتروپتىق زاتتاردى ساتقانى انىقتالدى. قىلمىستىق سحەما بويىنشا ولار كۋرەرلىك جۇمىسقا قابىلداۋ تۋرالى حابارلاندىرۋلار ارقىلى باسقالاردى تارتۋمەن، سونداي-اق بارلىق زاڭسىز ارەكەتتەردى ۇيلەستىرۋمەن جانە قارجىلاندىرۋمەن اينالىسقان.
ءقازىر كۇدىكتىلەر چەرنوگوريا اۋماعىندا قاماۋدا.