بۇگىن مەملەكەت باسشىسى قاسىم-جومارت توقايەۆ قازاقستان حالقىنا جولداۋ جاريالادى. ق ر مەملەكەتتىك كەڭەسشىسى ەرلان قارين ونىڭ ماڭىزدى تۇستارىن تالداپ بەردى. ول قۇجاتتىڭ باستى وزەگىن دە اتاپ ءوتتى. تولىعىراق اqshamnews.kz ماتەريالىندا.
"سيفرلاندىرۋ – جاڭا ۇلتتىق يدەيا"
ەرلان ءقاريننىڭ ويىنشا، سيفرلىق تەحنولوگيالاردى ەنگىزۋ قازاقستان ءۇشىن جاڭا ۇلتتىق يدەياعا اينالدى. جاساندى ينتەللەكت پەن سيفرلاندىرۋ قۇرالدارىن جەدەلدەتىپ قولدانۋ ەكونوميكانىڭ بارلىق سالاسىنا ىقپال ەتەدى.
"بۇل قادامنىڭ بارلىعى جيناقتالا كەلىپ، قازاقستاننىڭ جاڭا ۇلتتىق سيفرلىق دامۋ ستراتەگياسىنا بىرىكتىرىلەدى. قازاقستان جاڭا تەحنولوگيالاردى دامىتۋ مەن ەنگىزۋدە كەشەندى ءارى جۇيەلى شەشىمدەر قابىلداعان الەمدەگى العاشقى ەلدەردىڭ ءبىرى بولىپ وتىر. بۇل رەتتە قازاقستان بولاشاقتا تەحنولوگيالىق تۇرعىدان دامىعان مەملەكەت اتانۋدى كوزدەيدى. وسىلايشا، بيىلعى جولداۋدا سيفرلىق ترانسفورماسيا مەن جاساندى ينتەللەكتىنى ەنگىزۋ ءبىزدىڭ ەل ءۇشىن جاڭا ۇلتتىق يدەيا رەتىندە ايقىندالدى"،- دەپ جازدى ول.
جولداۋداعى جاڭا ساياسي باستامالاردىڭ نەگىزگى قىرلارى
مەملەكەتتىك كەڭەسشىنىڭ ايتۋىنشا، جولداۋدا ۇسىنىلعان پارلامەنتتىك رەفورما پرەزيدەنتتىك ساياساتتىڭ باستى فورمۋلاسىن – «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتىن ودان ءارى دامىتادى.
پرەزيدەنتتىڭ تاعى ءبىر ماڭىزدى قادامى – رەفەرەندۋم مادەنيەتىن نىعايتۋ. ءقاريننىڭ پايىمىنشا، بۇل شەشىم ەل بولاشاعىنا قاتىستى ءتۇيىندى ماسەلەلەردىڭ تەك حالىقپەن كەڭەسە وتىرىپ قابىلداناتىنىن كورسەتەدى. 2022–2023 جىلدارداعى رەفورمالار مەن اەس سالۋ جونىندەگى رەفەرەندۋم دا وسىنداي اشىقتىقتىڭ ايعاعى بولدى.
ساباقتاستىق پەن بىرىزدىلىك – ساياسي جۇيەنىڭ تۇراقتىلىعى
ەرلان قارين سونداي-اق، نەگىزگى ماقسات - ساياسي جۇيەنىڭ ينستيتۋسيونالدىق نەگىزدەرىن ودان ءارى نىعايتۋ ەكەنىن ايرىقشا اتاپ ءوتتى.
"وسى تۇستا ايرىقشا اتاپ وتەرلىگى، اڭگىمە كونستيتۋسياعا جەدەل تۇردە وزگەرىستەر ەنگىزۋ نەمەسە پارلامەنت سايلاۋىن جاريالاۋ تۋرالى بولىپ وتىرعان جوق. ماقسات بۇل ەمەس. باستى ءارى نەگىزگى ماقسات – ساياسي جۇيەنىڭ ينستيتۋسيونالدىق نەگىزدەرىن ودان ءارى نىعايتۋ. سوندىقتان پرەزيدەنت ويلاستىرىلعان، بىرىزدىلىككە نەگىزدەلگەن دايەكتى ءتاسىلدى قۇپتايدى. ەڭ الدىمەن ساراپشىلار مەن كوپشىلىك قاۋىم اراسىندا جان-جاقتى ءارى تەرەڭ تالقىلاۋ جۇرگىزۋ قاجەت. وسىلايشا، قازاقستان كەزەكتى رەت كەزەڭ-كەزەڭىمەن جانە جان-جاقتى جۇزەگە اسىرىلاتىن ساياسي جاڭعىرۋدىڭ ۇلگىسىن كورسەتتى"، - دەپ جازدى مەملەكەتتىك كەڭەسشى.