15 شىلدە كۇنى شارباقتى اۋدانىنىڭ ستەپنوە جانە باۋىرتال ورمانشىلىقتارىندا ورماندا ءورت شىعىپ، قويۋ ءتۇتىن بايقالدى.
بۇل تۋرالى ق ر توتەنشە جاعدايلار مينيسترلىگىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
توتەنشە جاعدايلار ءمينيسترى مەن وبلىس اكىمى اۋماقتى اۋەدەن بارلادى. 98 ورامداعى ءورت ەرەكشە باقىلاۋدا، وندا ءورت كۇشەيىپ بارادى.
«ەرتىس ورمانى» رەزەرۆاتىنىڭ اقپاراتىنا سايكەس، اۋەدەن بارلاۋ ناتيجەسىندە ورتەنگەن اۋماقتىڭ الدىن الا اۋدانى 850 گەكترادى قۇرادى.
وقيعا ورنىندا 100-دەن استام تەحنيكا مەن 300-دەن استام ادام، ونىڭ ىشىندە 5 تىكۇشاق ءورتتى سوندىرۋدە. ءبىر تاۋلىك ىشىندە ءورت وشاقتارىنا اۋەدەن 22 رەت جالپى كولەمى 66 تەكشە مەتر سۋ توگىلدى.
ءورتتى سوندىرۋگە استانا قالاسى، قاراعاندى جانە شىعىس قازاقستان وبلىستارى تجد كۇشتەرى مەن قۇرالدارى جۇمىلدىرىلدى.
