الەۋمەتتىك جەلىلەردە شىمكەنتتە كامەلەتكە تولماعان قىزدىڭ ۇرلانىپ، زورلانعانى تۋرالى اقپارات تارادى. پوليسيا تەرگەۋدى باستادى، - دەپ حابارلايدى aqshamnews.kz ءتىلشىسى.
الەۋمەتتىك جەلىلەردە ايقايلاعان قىزدى كولىكتەن سۇيرەپ شىعارىپ جاتقان ءساتتىڭ ۆيدەوسى جاريالاندى. كولىكتىڭ ماڭىنا كوپ ەر ادام مەن ايەلدەر جينالعان، ولاردىڭ ءبىرىنىڭ قولىندا اق ورامال بار.
جازبادا شىمكەنتتە كامەلەتكە تولماعان قىز ءوزىن ۇرلاپ، ەركىنەن تىس بوتەن ۇيگە الىپ بارعانىن ايتقان. كۇدىكتىنىڭ تۋىستارى ونى قالۋعا ۇگىتتەگەن، ال قىز باس تارتقاندا ءوز قولىمەن ەشقانداي شاعىمى جوق ەكەنى تۋرالى حات جازۋعا ماجبۇرلەگەن كورىنەدى.
جابىرلەنۋشىنىڭ ايتۋىنشا، وقيعادان كەيىن ەشكىم جاۋاپقا تارتىلماعان.
شىمكەنت پوليسيا دەپارتامەنتى قالا تۇرعىنىنىڭ ارىزى بويىنشا قىلمىستىق ءىس قوزعالعانىن مالىمدەدى.
"ءىستىڭ بارلىق ءمان-جايىن انىقتاۋ ءۇشىن قاجەتتى تەرگەۋ شارالارى كەشەنى جۇرگىزىلىپ جاتى"، – دەدى ۆەدومستۆو وكىلدەرى.
ەسكە سالايىق، ادامنىڭ ەركىنە قارسى نەكەگە تۇرعىزۋ ماقساتىندا ۇرلاۋ، سونداي-اق نەكەگە تۇرۋعا نەمەسە بىرگە تۇرۋعا ماجبۇرلەۋ ءۇشىن قىلمىستىق جاۋاپكەرشىلىكتى كوزدەيدى.