استانالىق بلوگەر الەۋمەتتىك جەلىدەگى پاراقشاسىندا بەينەماتەريال جاريالاپ، وندا قوعامعا جانە مۇمكىندىگى شەكتەۋلى ادامداردى قورلاپ، بەيادەپ سوزدەر ايتقان.
استانا پوليسياسى اتىشۋلى بلوگەردى ۇستاپ، اكىمشىلىك ءىس قوزعاعانىن بۇعان دەيىن حابارلاعان ەدىك.
2025 جىلعى 2 جەلتوقساندا استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنا الەۋمەتتىك جەلىدە بەيادەپ سوزدەر ايتقان ازاماتشا و.-عا قاتىستى ءىس ءتۇستى. ول اكىمشىلىك قۇقىق بۇزۋشىلىق تۋرالى كودەكستىڭ 434-بابى 1-بولىگى - ۇساق بۇزاقىلىق بويىنشا جاۋاپقا تارتىلدى.
ءىس ماتەريالدارىنا سايكەس، و. Instagram پاراقشاسىندا ۆيدەو جاريالاپ، وندا قوعامعا، ونىڭ ىشىندە مۇمكىندىگى شەكتەۋلى ادامدارعا قاتىستى قورلايتىن، بەيادەپ سوزدەر ايتقان. بۇل ارەكەت قوعامدىق ءتارتىپتى بۇزۋ رەتىندە باعالانعان. بۇل ءىس قىلمىستىق تەرگەۋگە جاتپايدى، تەك اكىمشىلىك قۇقىق بۇزۋشىلىق رەتىندە قارالادى.
سوت وتىرىسىندا و. بەيادەپ ءسوز قولدانعانىن مويىندادى، ءبىراق «بالالاردى قورلاۋ نيەتىم بولعان جوق» دەپ ءتۇسىندىردى.
434-باپ بويىنشا مىناداي جازا قاراستىرىلعان:
20 اەك ايىپپۇل؛
نەمەسە 20–60 ساعات قوعامدىق جۇمىس؛
نەمەسە 5–15 تاۋلىككە قاماۋ.
الايدا زاڭ بويىنشا 14 جاسقا دەيىنگى بالاسى بار ايەلدەرگە قاماۋ قولدانىلمايدى.
- و.-نىڭ 2016 جىلى تۋعان بالاسى بار ەكەنى راستالدى. سوت ونىڭ بالاسى بار ەكەنىن جەڭىلدەتەتىن ءمان-جاي دەپ تانىپ، جاۋاپتىلىقتى اۋىرلاتاتىن جاعدايلار انىقتالعان جوق. سوت شەشىمىمەن و.-عا 20 اەك، ياعني 78 640 تەڭگە ايىپپۇل سالىندى. سوت قاۋلىسى ازىرگە زاڭدى كۇشىنە ەنگەن جوق، - دەلىنگەن حابارلامادا.
ەسكە سالا كەتسەك، داۋلى بەينەجازبا الەۋمەتتىك جەلىدە جاريالاندى. ايەل ءوز بەينەجازباسىندا ەرەكشە بالالاردىڭ دۇنيەگە كەلۋىن "ازعىندىق" جانە اتا-اناسىنا جىبەرىلگەن "جازا" دەپ ايتقان. بۇل ەرەكشە بالا ءوسىرىپ وتىرعان اتا-انالاردىڭ نارازىلىعىن تۋدىرماي قويمادى.