ەربولات دوسايەۆ «اقجار» تۇرعىندارىن سۋمەن ۇزدىكسىز قامتاماسىز ەتۋ بويىنشا جۇمىستاردىڭ بارىسىن تەكسەردى، دەپ حابارلايدى Almaty-akshamy.kz
ناۋرىزباي اۋدانىنا جۇمىس ساپارى اياسىندا الماتى اكىمى ەربولات دوسايەۆ «اقجار» شاعىن اۋدانىن سۋمەن جابدىقتاۋعا ارنالعان كاسكادتى سورعى ستانسياسىنىڭ اۋماعىنا باردى.
«ناۋرىزباي اۋدانىندا سۋمەن قامتاماسىز ەتۋ پروبلەماسى اۋدان اۋماعى مەگاپوليسكە قوسىلعاننان كەيىن پايدا بولدى جانە بۇل ماسەلە 10 جىلدان استام ۋاقىتقا سوزىلىپ كەلدى. بۇگىندە سورعى ستانسياسى سالىندى. باستى مىندەت-تۇرعىنداردىڭ اۋىز سۋعا تۇراقتى قولجەتكىزۋىن قامتاماسىز ەتۋ. ءبىز جۇزەگە اسىرىپ جاتقان جوبالار نەگىزگى پروبلەمانى – ۇيلەردى سۋمەن جابدىقتاۋدىڭ تاۋداعى سۋ كوزدەرىنە تاۋەلدى بولماۋىن شەشۋگە مۇمكىندىك بەرەدى»، - دەپ اتاپ ءوتتى ەربولات دوسايەۆ.
قۇرىلىس جۇمىستارى وسى جىلدىڭ مامىر ايىندا باستالدى. 1 تامىزدا ستانسيا پايدالانۋعا بەرىلدى. قازىرگى ۋاقىتتا سۋ بەرۋ شتاتتىق رەجيمدە جۇزەگە اسىرىلۋدا.
«اقجار سورعى ستانسياسى اقجار شاعىن اۋدانىن سۋمەن جابدىقتاۋدى قامتاماسىز ەتەدى. نەگىزگى تەحنولوگيالىق سيكل «پرەمەرا» سورعى ستانسياسىنان باستالادى. ءبىز سۋدى اقجار شاعىن اۋدانىنا بەرەمىز، ەگەر كوشەلەر بويىمەن قارايتىن بولساق، تاشكەنت كوشەسىنەن جاندوسوۆ كوشەسىنە دەيىن. 1 تامىزدان باستاپ سۋ بەرۋ قامتاماسىز ەتىلدى. سونداي-اق، اقجار ش / ا سۋ جانە كارىز جەلىلەرىن توسەۋ جۇمىستارى جۇرگىزىلۋدە، ولار 80%- عا ورىندالدى. جۇمىستاردى اعىمداعى جىلدىڭ قىركۇيەك ايىنىڭ سوڭىنا دەيىن اياقتاۋدى جوسپارلاۋدامىز»، - دەدى ەنەرگەتيكا جانە سۋمەن جابدىقتاۋ باسقارماسىنىڭ باسشىسى تالعات مالىبايەۆ.
16 تامىزداعى جاعداي بويىنشا «اقجار» شاعىن اۋدانى اۋماعىنىڭ 70% - ى نەمەسە 3600-گە جۋىق جەكە ءۇي، سونداي-اق كوپقاباتتى تۇرعىن ءۇي قۇرىلىستارى مەن ءبىلىم بەرۋ مەكەمەلەرىنىڭ عيماراتتارى جىل بويى سۋعا ۇزدىكسىز قولجەتكىزدى. سۋمەن جابدىقتاۋدىڭ جاڭا جەلىلەرىن سالۋ بويىنشا قۇرىلىس-مونتاج جۇمىستارىنىڭ اياقتالۋىنا قاراي ءبىرقاتار كوشەلەردىڭ ابونەنتتەرى قوسىلادى. نىسان جوبالىق قۋاتتىلىققا شىققاننان كەيىن 22 مىڭنان استام تۇرعىنى بار شاعىن اۋداننىڭ 5 مىڭعا جۋىق ءۇيى اۋىز سۋمەن قامتاماسىز ەتىلدى. 2023 جىلدىڭ سوڭىنا دەيىن قارعالى وزەنىندە جاڭا سۇزگى ستانسياسىنىڭ قۇرىلىسى، 2025 جىلدىڭ سوڭىنا دەيىن اقساي وزەنىندە وسىنداي سۇزگى ستانسياسىنىڭ قۇرىلىسى اياقتالادى.
مۇنىڭ ءبارى ناۋرىزباي اۋدانىنىڭ، سونداي-اق الماتى وبلىسىنىڭ 150 مىڭ تۇرعىنىن تۇراقتى سۋمەن قامتاماسىز ەتۋگە مۇمكىندىك بەرەدى.
جوبا بيزنەستىڭ الەۋمەتتىك جاۋاپكەرشىلىگى اياسىندا «Qazaq Stroy Almaty» جشس-مەن بىرلەسىپ قولعا الىنعان.
«تەرەڭدىگى 300 مەتر 5 سكۆاجينا بۇرعىلاندى، سورعى ستانسياسى ورناتىلدى جانە الاتاۋ-ابايدىڭ ەكىنشى كوتەرگىش سورعىسىنا سۋ جينالدى. مۇندا 5-10 مىڭ تەكشە مەتر سۋ جينايتىن ەكى رەزەرۆۋار سالىندى. سونداي-اق، «اقجارعا» سۋ جىبەرەتىن سورعى ستانسياسى ورناتىلدى. سۋمەن ۇزدىكسىز قامتاماسىز ەتۋ ءۇشىن ءبىز تاۋلىگىنە ساعاتىنا 360 تەكشە مەتر سۋ جىبەرەمىز. بۇل سورعى ستانسياسى ءقازىر توقتاۋسىز جۇمىس ىستەيدى»، - دەدى «Qazaq Stroy Almaty» ج ش س باس ەنەرگەتيگىنىڭ ورىنباسارى تولەگەن جانعۇربايەۆ.
جۇرگىزىلگەن جۇمىس بارىسىن تەكسەرۋدى قورىتىندىلاعان قالا اكىمى ەربولات دوسايەۆ اۋدان تۇرعىندارىن ساپالى جانە ۇزدىكسىز سۋمەن قامتاماسىز ەتۋ جۇمىستارىن ەرەكشە باقىلاۋدا ۇستاۋدى تاپسىردى.
انىقتاما:
«اقجار» شاعىن اۋدانىن سۋمەن جابدىقتاۋ جازدا باۋ-باقشا شارۋاشىلىقتارى جۇزەگە اسىراتىن سۋارۋ سەبەبىنەن سۋ تاپشىلىعىنا بايلانىستى كۇردەلەنگەن ەدى. سونىمەن قاتار، اۋىز سۋدى جەتكىزۋدەگى ۇزىلىستەر اۋا-رايىنىڭ قولايسىزدىعى جانە اقساي وزەنىندەگى سۋدىڭ لايلانۋ كونسەنتراسياسىنىڭ ارتۋى ورىن الىپ، ونى سۋ الۋعا جارامسىز ەتتى. مۇنداي كەزەڭدەردە سۋمەن جابدىقتاۋ اينالىپ ءوتۋ جەلىسى بويىمەن جۇزەگە اسىرىلدى.