اباي ۋنيۆەرسيتەتىنىڭ عالىمدارى گەوگرافيا مۇعالىمدەرىنىڭ گەواقپاراتتىق ءبىلىمىن جەتىلدىرۋگە باعىتتالعان ازىرلەمەلەر دايىندادى، دەپ حابارلايدى Almaty-akshamy.kz.
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ لايسحانوۆ شاحيسلام باستاعان جاس عالىمدارى مەن جاراتىلىستانۋ جانە گەوگرافيا ينستيتۋتىنىڭ پروفەسسور-وقىتۋشىلارى گەوگرافيا ءپانى مۇعالىمدەرىنە وقۋ-ادىستەمەلىك قولداۋ كورسەتۋ جانە ولاردىڭ گەواقپاراتتىق بىلىمدەرىن جەتىلدىرۋ ماقساتىندا «گەوگرافيالىق ءبىلىم بەرۋدەگى گەواقپاراتتىق تەحنولوگيالار مەن رەسۋرستار» ەلەكتروندىق وقۋ قۇرالىن ازىرلەدى.
جاڭا وقۋ-قۇرالدىڭ اۆتورلارى: لايسحانوۆ شاحيسلام، كايمۋلدينوۆا كۇلاش، الياسكاروۆ دۋمان، ۋسەنوۆ نۇربول جانە يساكوۆ ەرلان. وقۋ قۇرالى ق ر عىلىم جانە جوعارى ءبىلىم مينيسترلىگىنىڭ عىلىم كوميتەتى قارجىلاندىراتىن جتن № AP13067931 «جاڭارتىلعان مازمۇنداعى گەوگرافيانى وقىتۋدا ساندىق گەواقپاراتتىق تەحنولوگيالاردى قولدانۋدىڭ ادىستەمەلىك نەگىزدەرىن جاساۋ (جوعارعى سىنىپتاردىڭ مىسالىندا)» عىلىمي جوبا اياسىندا ورىندالىپ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ عىلىمي كەڭەسىنىڭ ماقۇلداۋىمەن ۇسىنىلىپ وتىر. وقىرماندار ەلەكتروندىق وقۋ قۇرالىمەن ارنايى اشىلعان http://giseducation.kz سايتى ارقىلى تانىسىپ، تەگىن جۇكتەپ الا الادى. الداعى ۋاقىتتا وسى سايتقا جوبا اياسىندا ازىرلەنگەن وقۋ-قۇرالدارى جاريالانىپ، وقىرماندارعا قولجەتىمدى ەتۋ كوزدەلگەن.
وقۋ-قۇرالى ارقىلى گەوگرافيا مۇعالىمدەرى جاڭارتىلعان مازمۇنداعى گەوگرافيانى وقىتۋدا قولدانۋعا بولاتىن 60-تان استام گەواقپاراتتىق تەحنولوگيالارمەن جانە رەسۋرستار تۋرالى اقپاراتتارعا يە بولادى. ولاردى قولدانۋدىڭ ەرەكشەلىكتەرى مەن مۇمكىندىكتەرىمەن تانىسىپ، حالىقارالىق جانە وتاندىق دەرەككوزدەردەن گەوگرافيالىق دەرەكتەردى الۋ، جانە ولارمەن جۇمىس جاساۋدى مەڭگەرەدى.
سونىمەن قاتار، 9،10،11-سىنىپتارعا ارنالعان گەوگرافيا وقۋلىقتارىندا بەرىلگەن كەيبىر كۇردەلى تاپسىرمالاردى ورىنداۋدا گەواقپاراتتىق رەسۋرستاردى قولدانۋدىڭ ادىستەمەلىك نۇسقاۋلىقتارىمەن تانىسىپ، ولاردى ءوز كاسىبي سالالارىندا قولدانا الادى. وقىرماندارعا ىڭعايلى بولۋى ءۇشىن وقۋ-قۇرالىندا گەواقپاراتتىق تەحنولوگيالار مەن رەسۋرستارعا سىلتەمەلەر گيپەرسىلتەمەلەر جانە QR-كودتار ارقىلى بەرىلدى.