ەندى ەلىمىزدە ازاماتتارعا بوس جۇمىس ورىندارى تۋرالى دەربەستەندىرىلگەن ۇسىنىستار بەرەتىن جاساندى ينتەللەكت-اگەنت (جي-اگەنت) پايدا بولادى. بۇل تۋرالى ۇكىمەت وتىرىسىندا سيفرلىق دامۋ مينيسترلىگى ەڭبەك جانە حالىقتى الەۋمەتتىك قورعاۋ مينيسترلىگىنە ۇسىنىس تاستادى، دەپ حابارلايدى اqshamnews.kz.
ۆيسە-مينيستر اسقار بياحمەتوۆتىڭ ايتۋىنشا، جاڭا تەحنولوگيانى ەنگىزۋ ارقىلى ءاربىر ازاماتتىڭ جەكە ءپروفيلى مەن ەڭبەك نارىعىنداعى ترەندتەرگە سۇيەنە وتىرىپ، ولارعا سايكەس كەلەتىن جۇمىس ورىندارى نەمەسە وقىتۋ كۋرستارى اۆتوماتتى تۇردە ۇسىنىلاتىن بولادى.
“قازىرگى ۋاقىتتا ءبىز ەڭ زاماناۋي تەحنولوگيالاردى - جي-اگەنتتى قولدانۋ مۇمكىندىگىن قاراستىرىپ وتىرمىز. ءبىزدىڭ سيفرلىق ونىمدەرىمىز ەڭبەك نارىعىنداعى قاجەتتىلىكتى انىقتاپ، ازاماتتارعا ناقتى ۇسىنىستار جاساي الادى”، - دەدى اسقار بياحمەتوۆ.
7 800-دەن استام سۇرانىسقا يە ماماندىق
ەڭبەك مينيسترلىگىنىڭ مالىمەتىنشە، ەلىمىزدە ەڭبەك نارىعىندا 7 800-دەن استام ماماندىق سۇرانىسقا يە. وسى قاجەتتىلىكتى ءبىلىم بەرۋ جۇيەسىمەن ۇشتاستىرۋ ماقساتىندا كاسىبي ستاندارتتارعا ساي وقۋ باعدارلامالارى جاڭارتىلىپ جاتىر. ءقازىردىڭ وزىندە 11 مىڭنان استام وقۋ باعدارلاماسى جاڭارتىلىپ ۇلگەردى.
سيفرلىق بانك جانە يي نەگىزىندەگى ستاندارتتار
مەملەكەتتىك ورگاندار "سيفرلىق داعدىلار بانكىن" ەنگىزۋدى باستاپ كەتتى. بۇل باستاما كەلەشەكتە جاساندى ينتەللەكتتى كاسىبي ستاندارتتاردى ازىرلەۋ ۇدەرىسىنە ەنگىزۋگە جول اشادى. بياحمەتوۆتىڭ ايتۋىنشا، بۇل وزگەرىستەر ەڭبەك نارىعىنداعى احۋالدى جەدەل تالداۋعا، ستاندارتتاردى ۋاقتىلى جاڭارتۋعا جانە رۋتينالىق پروسەستەردى قىسقارتۋعا مۇمكىندىك بەرەدى.
ايتا كەتەيىك، بۇگىن، 29 شىلدەدە ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى اسقار بياحمەتوۆ قازاقستانداعى جۇمىسسىزدىق دەڭگەيى 4،6 پايىز ەكەنىن مالىمدەدى. ونىڭ ايتۋىنشا، ەلدەگى جالپى جۇمىسپەن قامتىلعان حالىق سانى – 9،2 ميلليون ادام.
سونىمەن قاتار، ۆەدومستۆو وكىلى قازىرگى ەڭبەك نارىعىنىڭ قۇرىلىمى مەن جيناقتاۋشى زەينەتاقى جۇيەسىنە قاتىسۋ دەڭگەيى ءبىرقاتار قاۋىپتەرگە الىپ كەلەتىنىن اتاپ ءوتتى. اتاپ ايتقاندا، جۇمىس ىستەيتىن ازاماتتاردىڭ 30 پايىزى بولاشاقتا ەڭ تومەنگى زەينەتاقى مولشەرىنە عانا ءۇمىت ارتا الادى.