بالانىڭ ەمىنە دەپ اقشا جيناعان. استانادا وتباسىلىق الاياقتىق اشكەرەلەندى

  • 11:16، 29 شىلدە 2025
بالانىڭ ەمىنە دەپ اقشا جيناعان. استانادا وتباسىلىق الاياقتىق اشكەرەلەندى سۋرەت: ۆيدەو سكرينى

قارجىلىق مونيتورينگ اگەنتتىگىنىڭ استانا قالالىق دەپارتامەنتى بالاسىنىڭ ەمىنە دەپ ەلدەن اقشا جيناعان ەرلى-زايىپتىلارعا قاتىستى الاياقتىق فاكتىسى بويىنشا تەرگەۋدى اياقتادى، دەپ حابارلايدى اqshamnews.kz. 

جەلىدەگى جالعان جارناما

تەرگەۋ ناتيجەلەرىنە سايكەس، ەرلى-زايىپتىلار بالاسىنىڭ ۆيدەولارىن، ەموسيالىق جازبالاردى جانە Instagram مەن Facebook جەلىلەرى ارقىلى اگرەسسيۆتى ماقساتتى جارنامانى پايدالانىپ، مىڭداعان قازاقستاندىقتاردىڭ جۇرەگىن جىبىتكەن. ولار ازاماتتاردىڭ سەنىمىنە كىرىپ، باس-اياعى 1،3 ميلليارد تەڭگەدەن استام قايىرىمدىلىق قاراجاتىن جيناعان. الايدا، بۇل قارجىنىڭ تەك 6،4 ميلليون تەڭگەسى عانا بالانىڭ ەمىنە جۇمسالعان. قالعان اقشا ولاردىڭ جەكە ماقساتتارىنا جۇمسالععان. 

اگەنتتىكتىڭ مالىمەتىنشە، كۇدىكتىلەر استانادان ءۇش پاتەر، جەر تەلىمى جانە بەس اۆتوكولىك ساتىپ العان. سونىمەن قاتار، جينالعان اقشانىڭ ءبىر بولىگىن بۋكمەكەرلىك كەڭسەگە ءباس تىگۋگە پايدالانعان.

جينالعان قاراجات كولەمىن ارتتىرۋ ءۇشىن ەرلى-زايىپتىلار ونىڭ ۇشتەن ءبىرىن Meta Ads ارقىلى جارناماعا سالعان. بۇل ولاردىڭ پاراقشالارىنىڭ الەۋمەتتىك جەلىدەگى اۋقىمىن ايتارلىقتاي كەڭەيتىپ، قولدانۋشىلاردان كوبىرەك اقشا اۋدارتۋعا مۇمكىندىك بەردى.

شەتەلدە ەمدەلۋدى قولدان ۇيىمداستىرعان

قاراجات جيناۋعا سەبەپتەردىڭ ءبىرى – تۇركياداعى LIV Hospital كلينيكاسىندا 84 ميلليون تەڭگە تۇراتىن وپەراسيانىڭ قاجەتتىلىگى تۋرالى مالىمدەمە بولعان. الايدا بۇل سوما جينالعانىمەن، شەتەلگە ساپار مۇلدە جۇزەگە اسپاعان.

كۇدىكتىلەر شەتەلگە ۇشقانداي كورىنۋ ءۇشىن Instagram پاراقشالارىندا اۋەجايدان تۇسىرىلگەن بەينەروليكتەردى جاريالاپ، كەيىن "ءساتتى وپەراسيا" تۋرالى جالعان جازبا سالعان.

مۇلىكتى جاسىرۋ ارەكەتى

الدىن الا تەرگەۋ باستالعاننان كەيىن، كۇدىكتىلەر اكتيۆتەردى جاسىرۋعا تىرىسقان – جەر تەلىمىن ءۇشىنشى تۇلعاعا راسىمدەگەن. ءبىراق تەرگەۋ بارىسىندا بۇل مامىلەنىڭ جالعان ەكەنى انىقتالدى.

سوتتىڭ سانكسياسىمەن قىلمىستىق جولمەن الىنعان قاراجاتقا ساتىپ الىنعان بارلىق مۇلىككە تىيىم سالىندى. قازىرگى ۋاقىتتا كۇدىكتىلەر ءۇيقاماقتا. قىلمىستىق ءىس سوتتا قارالىپ جاتىر. 

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

18:10

17:37

17:20

17:12

16:32

15:17

15:14

14:31

14:20

13:16

13:03

12:28

12:26

12:24

12:22

12:21

12:02

11:32

11:16

10:54

10:51

10:33

09:37

09:05

20:59