ناۋرىزباي اۋدانى سۋ، جول مەن كارىز جۇيەسىنە ميللياردتاپ اقشا سالدى

ناۋرىزباي اۋدانى سۋ، جول مەن كارىز جۇيەسىنە ميللياردتاپ اقشا سالدى الماتى قالاسى اكىمدىگى

ناۋرىزباي اۋدانى ۇلكەن جوبالاردى جۇزەگە اسىرىپ جاتىر. سۋ تارتۋ، كارىز بەن سۋ قۇبىرى جەلىسىنىڭ قۇرىلىسى ون مىڭداعان تۇرعىندى ساپالى اۋىزسۋمەن قامتاماسىز ەتەدى. وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا اۋدان اكىمى نازيرا توعىزبايەۆا وسىلاي دەيدى.

ناۋرىزباي اۋدانىنىڭ دامۋىنىڭ نەگىزگى باعىتىنىڭ ءبىرى – وسى زامانعى ساپالى ينجەنەرلىك ينفراقۇرىلىممەن كەشەندى قامتاماسىز ەتۋ. 2025 جىلى اۋىزسۋ مەن كارىز جۇيەسىن دامىتۋدى كوزدەيتىن ۇلكەن جوبالار ىسكە اسپاق.
  
2024 جىلدىڭ ناۋرىزىندا باستاپقىدا «قارعالى» سۇزگى ستانسياسى جوباسىندا قاراستىرىلماعان 8،6 شاقىرىم كارىز كوللەكتورىنىڭ قۇرىلىسى اياقتالدى. بۇل جوبا 50 مىڭنان استام تۇرعىندى ساپالى اۋىزسۋمەن قامتاماسىز ەتۋگە مۇمكىندىك بەرمەك.

بيىلعى قاراشا ايىندا تاۋلىگىنە 22 مىڭ تەكشە مەتر سۋ وتكىزۋگە قابىلەتتى «اقساي» سۋ تارتۋ نىسانىنىڭ قۇرىلىسى اياقتالادى. نىساننىڭ جالپى قۇنى - 29،7 ملرد تەڭگە. ءقازىر جۇمىستىڭ 80%-ى اياقتالعان. سونىمەن قاتار، سۋ تارتۋ نىسانىنا اپاراتىن 9 شاقىرىم جول مەن 5 كوپىر تاعى سالىنىپ جاتىر، سۇزگى ستانسياسىندا ىسكە قوسۋ-جوندەۋ مەن تەحنولوگيالىق جۇمىستاردى قاتار قولعا العان. بۇل ستراتەگيالىق ماڭىزدى نىسان اۋداننىڭ باتىس بولىگى مەن وبلىستىڭ قاراساي اۋدانىنداعى 150 مىڭ ادامدى اۋىزسۋمەن قامتاماسىز ەتەدى.

«اقجار» جوباسىنىڭ (ەكىنشى كەزەڭ) اياسىندا 2024 جىلى 14 شاقىرىم سۋ قۇبىرى مەن 12 شاقىرىم كارىز جەلىسى سالىندى. 2025 جىلى بۇل جۇمىستار جالعاسىپ، تاعى 17 شاقىرىم سۋ قۇبىرى مەن 15 شاقىرىم كارىز جەلىسى سالىنىپ جاتىر. سونىمەن قاتار، جوبانىڭ ءۇشىنشى كەزەڭى دە ىسكە اسىرىلىپ، قوسىمشا 1،7 شاقىرىم سۋ قۇبىرى مەن 1،3 شاقىرىم كارىز جۇيەسى سالىنباق.

«قاراعايلى» جوباسىنىڭ ءبىرىنشى كەزەڭى اياسىندا 2024 جىلى 1،6 شاقىرىم سۋ قۇبىرى مەن 800 مەتر كارىز جەلىسى سالىندى. 2025 جىلى تاعى 2،6 شاقىرىم سۋ قۇبىرى مەن 1،3 شاقىرىم كارىز جەلىسى قوسىلادى. ءقازىر جوبانىڭ ەكىنشى كەزەڭىنە ارنالعان جوبالىق-سمەتالىق قۇجاتتاما ازىرلەنىپ جاتىر.

بۇعان قوسا، «تاستىبۇلاق» پەن «تاۋسامالى» جوباسى (ءبىرىنشى كەزەڭ) مەملەكەتتىك ساراپتامادان وڭ قورىتىندى الدى. بۇل جوبالار بويىنشا جوسپارلانعان جۇمىستىڭ جالپى اۋقىمى - 9،6 ملرد تەڭگە.

«اتالعان جوبالار اۋداننىڭ ورنىقتى دامۋىنا قاجەتتى مىقتى ينجەنەرلىك نەگىز قالىپتاستىرىپ، تۇرعىنداردىڭ جايلى ءومىر ءسۇرۋى مەن قاۋىپسىزدىگىن ارتتىرادى. سونداي-اق، قالالىق ينفراقۇرىلىمدى جۇيەلى تۇردە دامىتۋعا باعىتتالعان ناقتى قادامداردى كورسەتەدى»، - دەيدى نازيرا توعىزبايەۆا.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

18:10

17:37

17:20

17:12

16:32

15:17

15:14

14:31

14:20

13:16

13:03

12:28

12:26

12:24

12:22

12:21

12:02

11:32

11:16

10:54

10:51

10:33

09:37

09:05

20:59